As nosas do atletismo galego sumaron novos éxitos cos torneos celebrados na pasada fin de semana. Motril acolleu o Campionato de España de lanzamentos longos, mentres que Salamanca recibía ás competidoras do Campionato de España Sub23 indoor.
No primeiro deles, unha das deportistas máis destacadas foi Lidia Parada, quen se colgou o bronce no concurso de xavelina logo de lanzar no seu único lanzamento válido ata os 49.42 m. A proba foi gañada pola cubana afincada en Galicia Yulenmis Aguilar con 55.53 m. logrando postos de finalista Carmen Sánchez, cuarta con 47.13 e Paula Piñón do A.F. Celta, oitava con 40.08 m.
No resto de lanzamentos, tal e como apunta a Federación de Atletismo Galego tamén lograban postos de finalistas Irene Gómez en martelo cunha excelente quinta posición de 59.27 m. así como o oitavo posto na proba masculina deYago Araujo do Real Club Celta en martelo con 59.95 m.
Queimaño vence cun récord do atletismo galego no campionato de España Sub23
Se Motril acollía o nacional de lanzamentos longos, a pista cuberta ¨Carlos Gil¨ de Salamanca recibía aos participantes que tomaron parte durante o sábado e domingo no Campionato de España Sub23 indoor.
Nesta cita foi novamente Eva Queimaño, nas filas do conxunto gipuzkoano do Super Amara BAT, quen lograba convertirse na protagonista ao rematar o concurso de combinadas cunha puntuación total de 3.757 puntos, o que lle servían para acadar o título de campioa de España Sub23. Por si fora pouco, esta marca representa un novo récord do atletismo galego absoluto e Sub23 que abren as portas a súa merecida internacionalidade.
Seguindo ca velocidade, excelente sexta posición na final dos 60 m. para a ximnástica Cristina Garrido quen marcha de Salamanca cunha MMP de 7.67. Pola súa parte, María Cedrón do ADAS CUPA, foi cuarta na final dos 1.500 m. ocupando postos importantes grazas aos seus 4:39.75 acreditados. Nesta mesma final, novena posición para a viguesa Ruth Carrera con 4:55.90.
Outra das destacadas no atletismo galego foi a subcampioa galega Raquel Meaños quen tomando parte na final dos 800 m. rematábaa con 2:08.33 nunha boa cuarta posición
Nos saltos excelentes campionatos os desenvoltos tanto por Andrea Villaverde da Gimnástica no foso de lonxitude onde chegaba ata os 5.70 m. que lle reportaban unha meritoria quinta posición, como os 11.90 m. no triplo de Ariadna Gil do Vila de Cangas cos cales lograba posto de finalista ao rematar na sexta posición.
Dentro da competición masculina cómpre salientar as actuacións de Victor Mosteiro do Real Club Celta quen accedía a final B dos 200 m. rematando a mesma con 22.05. No medio fondo e fondo, cuarta posición para o debutante da categoría Sub23 Mehdhi El Nabaoui o cal lograba un meritorio cuarto posto nos 3.000 m. con 8:19.15. Iago Jopia do Coruña Comarca pola súa banda, entraba a final dos 1.500 m. que remataba 4:05.49.
No sector de concursos o subcampión galego absoluto Sergio Coello do Celta, lograba o sexto lugar no foso de lonxitude con 7.11 m. efectuado no seu primeiro salto. Un posto máis arriba quedaba o venezolano con ficha galega polo Celta, Miguel Angel Granado en peso con 15.09 m. (MMP).
