O atletismo galego compite con aspiracións no Campionato de España Absoluto 2024

Unha trintena de atletas galegos e galegas tomarán parte desde este venres no Campionato de España absoluto que se disputará na localidede alacantina de La Nucía. Algúns deles aspiran a poder subir ao podio nesta competición. Por exemplo, entre das e dos deportistas do atletismo galego que estarán en La Nucía destaca a presenza de catro dos nosos participantes no último europeo de atletismo desenvolto recentemente en Roma.

Estas son las medallas 🥇 🥈🥉 que podrán colgarse desde mañana los mejores de España en el #CEatletismo 😮‍💨
Además, como desde el año 2️⃣0️⃣2️⃣1️⃣, los entrenadores también recibirán su merecida medalla 😉 pic.twitter.com/Bd2mepU5Ok
— atletismoRFEA (@atletismoRFEA) June 27, 2024

A flamante campioa de Europa en triplo, Ana Peleteiro (final venres ás 21.10 h.) parte como clara favorita dun campionato que leva gañado en seis ocasións e que servirá a de Ribeira como último test previo aos Xogos Olímpicos.

Belén Toimil (final domingo á mañá) é outro dos grandes valores referentes do noso deporte. A plusmarquista de España atópase nun fantástico estado de forma que a fixo ser quinta nos campionatos de Europa logo de lanzar durante o 2024 nove veces por riba dos 18 metros. En La Nucía loitará polo seu quinto título consecutivo en peso (Final, domingo ás 12:00 h.)

Yulenmis Aguilar (final domingo á mañá) quen debuta con dereito pleno a medalla nun Campionato de España, achégase con problemas físicos que xa a impediron lanzar en condicións no Campionato de Europa. A importante lanzadora, que este ano xa acreditaba 63.91 m., terá este Campionato de España Absoluto 2024 o último test para determinar si a súa lesión lle permite estar en París ou non. Está previsto que se dispute a final da proba de lanzamento de xavelina o domingo contra das 11.40 horas.

Algo máis complicado o terá o corredor galego Adrian Ben quen defende o título na proba dos 800 metros. O actual campión de Europa indoor e mellor marca nacional con 1:44.41, terá enfronte a un elenco de atletas de nivel mundial entre os cales se atopa o bronce europeo en Roma, Attaoiu, o campión do mundo indoor Mariano García, ou o sempre combativo Alvaro de Arriba por citar algúns. A emocionantísima final será o domingo ás 13.30 horas.

Opcións de medallas para o atletismo Galego

No resto de participantes compre destacar a presenza da campioa de España de lanzamentos longos Carmen Sánchez Parrondo quen acude ca terceira mellor marca das concursantes aspirado novamente a postos de podio de todo un campionato estatal. Xunto á coruñesa estará tamén no corredor de lanzamentos a campioa galega Paula Piñón.

A asturiana afincada na Coruña, Carmen Sánchez Parrondo, é a actual Campioa de España de lanzamentod e Xavelina, no Campionato de España de Lanzamentos Longos 2024, cunha mellor marca persoal acreditada esta mesma tempada de 54,61 metros, sitúase terceira no ranking estatal do ano.

Xunto a ela estará tamén en La Nucia a lucense estudante no INEF de Bastiagueiro, Paula Piñón Sureda, que ven de ser Campioa Galega Absoluta Xavelina 2024, con mellor marca persoal de 47,77 metros, este ano 46,38 metros, ocupa o undécimo posto no ranking estatal do ano.

O disco contará tamén ca actuación da campioa autonómica no pasado certame de Vigo, María Ezquerro da Gimnástica, quen intentará rebasar a barreira dos 49 m. da quen tan só a separan catro centímetros. A ourensá graduada no INEF de Bastiagueiro, campioa Galega Absoluta Disco 2024, con mellor marca persoal realizada esta mesma tempada de 48,96 metros, é novena do ranking estatal do ano.

As tres, Carmen Sánchez Parrondo, María Ezquerro e Paula Piñón Sureda adestran ás ordes do técnico coruñés Raimundo ‘Necho’ Fernández. As tres están a realizar unha sensacional tempada e pelexarán por mellorar novamente as súas mellores marcas, así como polos postos de honra neste Campionato de España Absoluto de Atletismo.

Ver esta publicación en Instagram

Una publicación compartida de Necho Fernández (@necho_fernandez)

Nos resto de lanzamentos, a ourensá Sub-20 Blanca Pereira, de retorno da súa estancia universitaria en EE.UU., acredita un excelente lanzamento en martelo 58.65 m. que a colocan en postos de finalista por marcas. Pola súa banda, Carlos Revuelta estará novamente nun campionato de España xunto ao campión galego Eric Méndez na procura dun posto na final do campionato.

A internacional e campioa de España dos 10.000 marcha no ano 2020 Antía Chamosa, tomará parte nesta edición logo da súa convocatoria olímpica para os Xogos no relevo mixto, sendo este un excelente momento para reafirmar a súa candidatura. Xunto á marchadora da Gimnástica tamén tomarán parte tanto Aldara Meilán como Dani Chamosa e Juan Manuel Morales na procura de redondear un excelente ano para eles.

Uxía Pereira, atleta / FEDERACIÓN GALEGA DE ATLETISMO

Os valos será a especialidade que máis atletas galegos aporte a este campionato de España. Na mesma contaremos ca participación dos protagonistas do último campionato galego absoluto, Uxía Pereira da At. Lucense e Hugo Vázquez do Marineda Atlético. Lembramos que o coruñés lograba o récord galego da proba con 14.08 e que tan só o excesivo vento a favor invalidaron os 13.70 da lucense.

Xunto a eles estarán participando Santi Rozas e David Vicente. Nos valos longos compre salientar os 59.65 que este ano ten acreditado Claudia Rojo que a sitúan con opcións de loitar por postos de finalista nunha proba na que tamén estará Lía Caride da Gimnástica.

Nas probas de velocidade presenza do internacional e plusmarquista galego absoluto Mauro Triana quen tomará parte nos 100 m. xunto a Pablo Tomé do Celta. Nos 400 m. o campión galego absoluto Jorge Román Leiros do Celta terá a oportunidade xunto a Jacobo Soler de estar correno por debaixo dos 47″ o que lles podería dar opcións de estar en toda unha finalísima.

Canda Adrian Ben estarán na línea de saída dos 800 m. o campión autonómico Hassan Izzeddine da Gimnástica, xunto ao internacional Elian Numa e Pedro Osorio. Pola súa banda a tamén campioa galega absoluta dos 1.500 m. Eva Piñel do Celta Feminino, contará cuna excelente oportunidade para mellorar os seus 4:28.89 que acredita como MMP.

Nos obstáculos será o Sub-23 Mehdi El Nabaoui o único galego sobre a ría. O da Estrada acude en destacada progresión ca mellor marca Sub-23 e novena absoluta nos 5.000 m. e sexta dos 3000 m.

Atención ao foso de lonxitude e a esos 7.73 m. que acredita o saltador da Gimnástica Sergio Coello que o posicionan na loita directa polos medallas do campionato.

Por último, teremos ao equipo de remudas da Sociedad Gimnástica de Pontevedra tomando parte na proba dos 4×400 masculino.

INFORMACIÓN DE INTERESE DO CAMPIONATO DE ESPAÑA ABSOLUTO DE ATLETISMO 2024