- Oito medallas e un total de sete postos de finalistas foi o balance galego nos Campionatos de España Sub-20 de atletismo desenvoltos durante esta fin de semana en Soria.
Un dos títulos desde Campionato de España Sub-20 de atletismo veu da da man da deportista internacional Blanca Pereira que pertence á disciplina do Ourense Atletismo. Sobre o círculo de martelo Blanca Pereira demostrou a súa superioridade logrando impoñerse con 54.94 m. e aventaxando en máis de catro metros á segunda clasificada.
Nas carreiras excelente exhibición de Isabel Caeiro da Gimnástica de Ponteveda sobre os 3.000 obstáculos amosando que á a indiscutible domiñadora da distancia na súa categoría logo de mellorar amplamente a cuarta posición do ano pasado. Ouro para a atleta de Pontevedra.
💥🥇CAMPIOAAAAAAAA DE 🇪🇸 SUB20💥
👥ISABEL CAEIRO MARIÑO
🔍Sociedad Gimnástica de Pontevedra
👉3.000 obstáculos
⏫10:58.47
🎊Parabéns Isabel!!
Deporte Galegohttps://t.co/akRdTN43mB pic.twitter.com/Btn1EgsY4v— Atletismo Galego (@atletismogalego) July 22, 2023
Pedro Vázquez do Celta pola súa banda, tamén lograba o título nacional nos 3.000 m. cun rexistro de 8:32.71 que o converten nun dos referentes galegos do fondo nestes intres.
Mención especial ten o sector de probas combinadas que regresa con nada menos que tres metais. A lucense Lucía Sánchez del Valle, que xa fora bronce o ano pasado, suma e segue ca súa importante progresión confirmando os prognósticos, e logrando adxudicarse o ouro no Campionato de España de heptatlón cunha puntuación total de 5.022 puntos.
Non menos importante e destacada foi a actuación de Carlota Salgado do Atl. Feminino Celta no mesmo concurso, no que chegaba a sumar 4.921 puntos que lle daban para repetir a prata do ano pasado sendo aínda Sub-18.
No desglose de probas do heptatlón, Lucía Sánchez del Valle, da Altética Lucense, asinaba un tempo de 14.58 nos 100 metros, superaba o 1.63 no salto de altura, lanzaba ata os 26.22m na disciplina de peso, chegaba aos 5.83m no salto de lonxitude, e aos 31.47m no lanzamento de xavelina, e por último recorría os 800m parando o crono nos 2:23.14.
No caso da tamén galega Carlota Salgado, do At. Feminino Celta, quedou segunda no heptatlón feminino con 14.59 nos 100m, saltou o mesmo ca gañadora, Lucía Sánchez, na proba de altura 1.63m, e lanzou ata os 10.08 a esfera, fixo os 200m en 25.48, saltou 5.42m e lanzou a xavelina ata os 29.64m, correo os 800m en 2:27.24 e sumou ao final un total de 4.921 que lle deron a prata.
7️⃣ª medalla para Galicia 🥇🥇🥇🥈🥉🥉🥉
💥🥈SUBCAMPIOA DE DE 🇪🇸 SUB20💥
👥CARLOTA SALGADO GARCÍA
🔍Atletismo Femenino Celta
👉Heptatlón
⏫4.921 puntos
🎊Parabéns Carlota!!https://t.co/bWvJAzgYUL@deporte_galego
@UFEDEGA pic.twitter.com/z4Y7QmtLwq— Atletismo Galego (@atletismogalego) July 23, 2023
Para rematar no decatlón masculino o atleta do Mazí Xoel Otero, en continúa e importante progresión, lograba o metal de bronce cunha puntuación total de 6.110 puntos.
Seguindo cas medallas, unha completísima Xiana Lago, do Ría Ferrol, que tomaba parte en disco e peso, lograba sobre esta última modalidade con 13.18 m un metal de bronce que a piques estivo de repetir no disco, onde finalmente remataba cuarta con 39.17 m. Na proba de lanzamento de disco, Xiana Lago facíase co terceiro posto asinando no seu primeiro intento 11.97m, 12.57m no segundo, logo fixo tres nulos e finalmente foi quen de chegar aos 13.18m que lle outorgaron a medalla de bronce neste Campionato de España Sub-20 de atletismo.
💥MEDALLA DE BRONCE NO CAMPIONATO DE 🇪🇸 SUB20💥
👥XIANA LAGO ANDRADE
🔍Ria Ferrol
👉Lanzamento de Peso
⏫13.18 m.
🎊Parabéns Xiana!!https://t.co/fyArU95OKe pic.twitter.com/6FBP49B9qd— Atletismo Galego (@atletismogalego) July 22, 2023
Mesmo metal, bronce, nos 110 valos para o tamén galego David Vicente que milita nas filas do Playas de Castellón. David Vicente logra unha xusta recompensa ao seu excelente ano mellorando amplamente a súa MMT de 14.71 ata os 14.05.
No resto de actuacións destacar os posto de finalistas logrados por Nicolás Ortega (4º) do Club Atletismo Sada na modalidade de disco; Xiana Lago, atleta do Ría Ferrol, foi cuarta clasificada en disco; Alba Cuns, que defende a elástica do Playas de Castellón, fíxose co cuarto lugar no triplo salto; Hugo Fernández, deportista do Ourense Atletismo, foi quinto na modalidade de lanzamento de martelo; Sergio González, do Atletismo Barbanza, asinou o quinto posto en lanzamento de xavelina; Carla Díaz, do Lucus Caixa Rural Galega, foi quinta nos 3.000 obstáculos; mentres que Emma Sihunag, do Oviedo Atletismo, finalizaba o Campionato de España Sub-20 de atletismo de como a sexta clasificada na modalidade de salto de altura.
