As pistas do Centro Galego de Tecnificación Deportiva de (CGTD) Pontevedra acolleron esta fin de semana o Campionato Galego de Atletismo para as categorías Sub14 e Sub16 . Segundo indica a FGA “os bos rexistros foron da man da gran motivación dos e das participantes” nesta cita co atletismo galego do futuro.
O campionato galego de atletismo comezou o sábado ca disputa do autonómico Sub16 onde destacaron as actuacións de en lanzamentos Blanca Pereira do Ourense Atletismo. A deportista fíxose cos títulos autonómicos de peso con 10.17 m. e martelo con 53.19 m.
A campioa galega absoluta dos 100 m. deste ano Ainhoa Raparaz do Val Miñor fixo valer a súa condición de favorita para lograr o triunfo sobre os 100 con 12.57.
Lisa Vosberg do AVA rabasaría o listón a 2.90 m. no concurso de pértega sendo Nayr Cortegoso do Val Miñor con 5.17 m. quen faría o propio ca lonxitude. Enma Sihuang do Franciscanos, medalla de bronce nos absolutos de altura, teriase que retirar por mor dunha lesión renunciando aos valos, non sen antes lograr o título con 1.48 m. en altura.
Nos 3.000 metros marcha Aldara Meilán da Atlética Lucense foi a primeira en cruzar a liña de meta cun crono oficial de 14:43.65
Pola súa banda Daniel Cariñena do Millaraio impúxose nas probas dos 100 m. con 11.60 e no concurso de disco con 41.50 m. o mesmo que Daniel Loureiro da A.A Silva nos concursos de lonxitude con 6.21 m. e xavelina con 42.51 m. Hugo Fernández do C.A.Sada foi o domiñador en martelo de 4 kg. con 43.06 m. Pablo Cudeiro do Ourense Atletismo quen marcaría un bo rexistro sobre os 100 valos con 14.54. Salientable tamén foi a marca no concurso de triplo do atleta do Mazi Xoel Otero quen chegaría ata os 13.41 m. malia que con +3.0 de vento a favor.
GALERÍA DE PODIOS FEMININOS SUB16
RESULTADOS CAMPIONATO GALEGO SUB16
Tempo para as/os Sub14 no Campionato Galego de Atletismo
Na competición Sub14 a atleta do Trega Mara Romeu a cadou un rexistro destacado coa súa a primeira posición nos 150 m. ao asinar un crono de 19.98. Pola súa parte, Celia Castro do Cambados-Seguros Noval con 1:19.23 proclamariase campioa galega dos 500 m.
Foi salientable tamén o concurso da lanzadora de martelo do A.F. Celta Marta Hermida quen logrou no seu terceiro intento chegar ata os 41.03 m. en martelo.
Ademais, Iria Solera do Ourense Atletismo colgouse os títulos tanto de triplo salto con 9.35 m. e de altura con 1.48 m.
Entre os atletas sub16 a mellor marca autonómica no concurso de martelo correu a cargo do atleta da Atlética A Silva Alejandro Rey quen lanzaría ata uns fantásticos 45.77 m. Nos 80 m. Antón Cillero do Riazor Coruña impúxose tanto nos 80 m. con 9.86 como nos 150 con 18.70 sendo nos 500 m. o triunfo para Daniel Salgueiro do Coruña Comarca con 1:14.52. Excelente Leo Rodríguez do Samertolameu quen na proba dos valos lograría uns moi bos rexistros de 12.80 nos 80 valos e de 32.45 nos 220 valos. Nos concursos, Roi Prieto do Ourense Atletismo fíxose cos títulos autonómicos de altura con 1.39 m. e pértega con 2.13 m.
GALERÍA DE PODIOS FEMININOS SUB14
RESULTADOS CAMPIONATO GALEGO SUB14
Campionato de Galicia de Combinadas
Tamén durante a fin de semana se estivo disputando o Campionato de Galicia de Probas Combinadas Sub16 que deron o triunfo na categoría feminina á representante do Atletismo Deza Marta Lázara cunha puntuación total de 2.833 puntos.
Da superioridade da decense fala o feito de que se impuxera en todas as probas agás a dos 600 m. que sería gañada pola segunda clasificada na xeral Nadia González de A Silva con 2.450 puntos. Xunto elas, Irene Vázquez do A. Narón con 1.797 puntos sería bronce.
Xa na categoría masculina foi Bran Núñez do A.Morrazo quen se faría co campionato galego establecendo unha puntuación total de 4.179 malia competir durante todo o octathlon só.
O Comité COVID vixiou que en todo momento as atletas estivesen informadas e “cumprisen as normativas de seguridade establecidas e plasmadas no Protocolo COVID da FGA aprobado pola Xunta de Galicia”, segundo indica a Federación Galega de Atletismo.
Campionato de Galicia sub 14. Pontevedra 11/10/2020
Campionato de Galicia sub 16 . Xornada de mañana
Campionato de Galicia sub 16 . Xornada de tarde