Nada menos que un total de catro clubs galegos tomarán parte o vindeiro dia 24 de outubro en xornada de tarde, na I Copa de Clubs Máster de Atletismo que acontecerá nas localidades de Torrevieja, Durango e Huesca. Club Atletismo Narón, Samertolameu, Club Atletismo Sada e Marineda Atlético integran a representación galega. Xunto aos clubs citados e clasificados por estadillo, figuran como reservas o Club Atletismo Santiago e Ourense Atletismo.
Á cidade vasca de Durango acudirá o Club Atletismo Narón a tomar parte no encontro correspondente a segunda categoría, según informa a Federación Galega de Atletismo. O bloque de Narón acudirá co ánimos de “facer un bo papel que lles posibilite estar nos postos de honra do seu grupo, logo de que esta fin de semana o equipo absoluto lograra o triunfo na 2ª Categoría da Serie B da Copa de Clubs”.
Pola súa banda á capital aragonesa de Huesca, e na terceira categoría, acudirán o resto de clubs galegos quenes terán que enfrontarse tanto aos equipos locais como aos achegados de Valencia, Navarra e Madrid.
Entre os galegos está o Samertolameu que o ano pasado acadara o sétimo posto na Primeira División da liga de clubs máster e que nesta primeira edición copera aspira a facer un bo papel.
Xunto ao club de Moaña estará compitindo o Club Atletismo Sada (CAS)cuxa importante sección máster fíxolles acadar o ano pasado o ascendo a Primeira División da súa categoría logo de gañar de maneira moi brillante o seu encontro de segunda.
Por último, o cuarto dos clubs galegos que estará tomando parte no mesmo encontro é a formación coruñesa do Marineda Atlético que conta con importantes efectivos que estarán na loita tanto no individual como no colectivo sobre o sintético oscense.
Trátase dunha competición mixta na que cada equipo que participa pode alinear aos homes e mulleres que considere oportuno. Segundo recolle a normativa da competición “os equipos estarán formados por atletas independientemente do seu xénero, cada quen puntuará pola súa taboa específica. Así un equipo pode alinear so a atletas masculinos ou femininoas ou atletas de ambas categorías de xeito conxunto. A única limitación é que na proba de relevos os clubs si deben ter unha composición acorde coas opcións que se plantexan”.
- Opción 1) 4 atletas de categoría masculina.
- Opción 2) 4 atletas de categoría feminina.
- Opción 3) 2 atletas de categoría masculina e 2 atletas de categoría feminina, neste último caso con orden libre nas postas.
