Todo listo para que o plantel do equipo senior do Club Balonmán Atlético Guardés inicie a súa preparación de cara á competición ligueira estatal e tamén a europea.
As galegas militarán un ano máis na División de Honor Feminina, a Liga Guerreras Iberdrola, e teñen previsto iniciar os adestramentos para a tempada 2020/21 o vindeiro xoves 23 de xullo.
Nas vindeira semanas concretarase a planificación de adestramentos e tamén o calendario de partidos amistosos que disputarán como preparación de cara á competición ás da Guarda.
A Copa da Raíña, primeira cita do Guardés
O equipo que entrena José Ignacio Prades regresará ao traballo coa Copa da Raíña 2020 en mente. As datas fixadas para esta competición son os días 4, 5 e 6 de setembro. A cidade que acollerá a competición será Alhaurín de la Torre.
Esa será a primeira grande cita do curso do CB Atlético Guardés antes de iniciar, unha semana despois, a súa participación na Liga Guerreras Iberdrola e na EHF European Cup.
