O Atlético Guardés disputará mañá, sábado 7 de novembro, nas Illas Canarias un partido de Liga Guerreras Iberdrola despois de tres semanas. O equipo de Prades enfrontarase ao CICAR Lanzarote Ciudad de Arrecife ás 20.00 horas no Pabellón Municipal de Titerroy despois que as últimas dúas fines de semana non disputase competición ligueira, tralo aprazamento do partido contra o Baloncesto Aula Joven e e a clasificación directa para o Last 16 da EHF European Cup polas restricións que afectaban ao LK Zug suízo.
O Atlético Guardés visita ao Lanzarote nas illas / ATL. GUARDÉS“Seguro que as ganas de competir do plantel suplen a carencia de ritmo competitivo”, avanza Prades na previa da sexta xornada ligueira, sobre o papel, quinta para o Guardés. “O equipo adestrou ben, tentouse ir liquidado da mellor maneira posible a falta de competición”, explica o técnico antes de completar unha nova semana de traballo.
O Atlético Guardés viaxará mañana ata Lanzarote
A expedición guardesa (sen Sarah Valero, Rosario Urban e Martina Mazza) subirase ao autobús mañá sábado 7 ás 6.00 horas para desprazarse a Santiago de Compostela, desde onde viaxarán vía Madrid a Lanzarote.
O rival desta fin de semana, o ascendido CICAR Lanzarote Ciudad de Arrecife, vive a súa primeira tempada na División de Honra Feminina e polo momento só conseguiu puntuar contra o Pereda (20-21) e marcha sexto na clasificación. Na primeira rolda da XLII Copa de SM a Raíña fronte o Zuazo caeron por 24-31.
Pola súa banda, o Atlético Guardés, cun partido disputado menos, é terceiro cunha derrota fronte a Bera Bera. Mañá, sábado, en terras de Lanzarote, as galegas terán diante a un plantel con moita bagaxe na categoría.
As canarias contan nas súas filas con Pessoa (Málaga), Priscila dos Santos ( Bera Bera), Torres (Aula), Ana Marín en portería e a ex do Guardés, Gabriela Romero. Desde o banco rival, o adestrador David Betancort manifestou que “o Atlético Guardés é un equipo xa asentado na categoría” engadindo que as súas xogadoras terán que ser capaces de realizar o seu xogo tanto en ataque como en defensa, tentando cortarlle a velocidade do ataque das calegas.
Adiado o partido co Rincón Fertilidad Málaga por positivos en COVID-19
Na tarde de onte, xoves 5, o club recibiu a notificación dunha nova xornada posposta por COVID-19. En concreto trátase da seguinte contra o Rincón Fertilidad Málaga. A detección dun positivo entre as súas xogadoras, que obriga a un illamento de dez días, impide que as de Suso Gallardo visiten A Sangriña o sábado 14 de novembro, tal e como estaba previsto.