O Atlético Guardés xoga mañá, 17 de outubro, Zubileta Evolution Bm. Zuazo ás 17:45 horas en Lasesarre para disputar o encontro correspondente á cuarta xornada da Liga Guerreras Iberdrola. O partido poderá verse na canle de YouTube do equipo vasco. África Sempere, quen tras unha nova revisión médica esta semana recibiu luz verde para ir incorporándose ao grupo de maneira progresiva, é a principal novidade na convocatoria de José Ignacio Prades para esta fin de semana,
A capitá e pivote do Guardés lesionouse o 4 de marzo no partido contra o Rincón Fertilidad Málaga e aos poucos días xa foi intervida da rotura a rotura do ligamento cruzado anterior do seu xeonllo dereito. Foron 7 meses de recuperación para Sempere, un longo camiño no cal continúa queimando etapas aos poucos e cuns prazos difusos. A prudencia e o traballo paulatino marcan o regreso da xogadora ás pistas e que mañá poida contar con minutos.
África Sempere é consciente de que aínda queda moito para estar ao 100%
A capitá móstrase “contenta e ilusionada de poder volver estar co equipo e axudar no que poida”. Ademais, confesa que se atopa ben, tranquila, aínda que é realista e recoñece que aínda lle queda moito para volver estar ao 100%”. Desde o autobús, de camiño ao País Vasco conta que “agora só podo sentirme feliz e afortunada por dar pasos para adiante”.
Este feito permite a José Ignacio Prades contar con 14 xogadoras para o partido de mañá contra o equipo de Joseba Rodríguez. Marisol Carratú e Míriam Sempere en portería; Lorena Pérez, Laura Morais e Daniela Moreno nos extremos; Cristina Barbosa, Patrícia Lima, Erika Rajnohová, Paula Arcos, Sandra Santiago, Estefanía Descalzo e Paulina Buforn en primeira liña; e África Sempere e Carla Gómez no pivote.
Continúan sendo baixa Martina Mazza, Rosario Urbano e Sarah Valero. Ir sumando efectivos “sempre é positivo eneste caso máis aló de por quen é, polo momento que estamos a vivir en relación ás baixas”, apunta o técnico. Polo momento, África Sempere regresa á convocatoria pero será un traballo paulatino de reincorporación ao grupo e quedará a elección do corpo técnico que poida contar con minutos. Mañá pola mañá poderá testarse no adestramento que o plantel ten programado en Lasesarre de 10.00 a 11.00 horas.
O Atlético Guardés terá que enfrontarse aos seareiros do Barakaldo
O Atlético Guardés enfrontarase mañá ao Zubileta Evolution Bm. Zuazo que conta no seu haber con dúas derrotas (Málaga e Aula) e unha vitoria na pasada xornada contra Arrecife. “Non vai ser un partido sinxelo”, adianta Prades. “Veñen de conseguir unha vitoria moi folgada e cómoda en Lanzarote, polo que haberá que ler moi ben o seu defensa agresiva e facer un partido moi serio” xa que o Zuazo, que poderá contar co alento de 500 afeccionados.
José Ignacio Prades, adestrador do Atlético Guardés: “Non vai ser un partido sinxelo, veñen de conseguir unha vitoria moi folgada e cómoda en Lanzarote, polo que haberá que ler moi ben o seu defensa agresiva e facer un partido moi serio”
O Zuazo, quinto a dous puntos do Guardés, que agora está terceiro na clasificación, caracterízase por manter o groso do seu bloque con respecto á tempada pasada. Joseba Rodríguez conta coa ‘Guerreira’ Ainhoa Hernández e tivo que facer fronte a poucos cambios: Isabel Fernández-Agustí (Elxe) e as dúas canteirás Ana Arozameda e Naia Puigbó completan a lista de altas para facer fronte á marcha de Amaia Glez. de Garibay, Nayla de Andrés e Alexandra Gil.
https://twitter.com/CbmZuazo/status/1316445769055035394?s=20
AXENDA:
Liga Guerreiras Iberdrola | Grupo A | Xornada 4 | Zubileta Evolution Bm. Zuazo – Club Balonmán Atlético Guardés | Sábado 17 de outubro ás 17:45 horas, Lasesarre | Árbitros: Luís Colmenero e Víctor Rollán (Castela e León).
