A porteira Marisol Carratú, a central Carmen Campos, a lateral dereito Paulina Buforn, o técnico José Ignacio Prades e a pivote África Sempere, polas súas calidades defensivas, son as candidatas do Mecalia Atlético Guardés para o equipo ideal da Liga Guerreiras Iberdrola 19/20.
A Real Federación Española de Balonmano (RFEBM) abriu o pasado luns as votacións para as once categorías -as sete posicións clásicas, Mellor Defensora, Mellor Novo Promesa, Mellor Adestrador e MVP– e os afeccionados puideron votar ata hoxe luns 8.
A tempada 2019-2020, concluída con 16 xornadas disputadas, coñecerá aos seus nomes máis destacados nos próximos días. A lista de candidatas é resultado dunha primeira criba realizada exclusivamente polos adestradores dos 12 equipos que disputaron esta tempada a Liga.
As nominacións
Portería | Marisol Carratú (Atlético Guardés), Silvia Navarro (Rocasa Gran Canaria), Renata Arruda (Bera Bera)
Central | Silvia Arderius (Bera Bera), Cecilia Cacheda (Liberbank Xixón), Carmen Campos (Atlético Guardés)
Lateral Dereito | Esperanza López (Recuncho Fertilidad Málaga), Paulina Pérez Buforn (Atlético Guardés), Lorena Téllez (Liberbank Xixón)
Defensora | África Sempere (Atlético Guardés), Elisabet Cesáreo (Bera Bera); María Flores (Balonmano Elche)
Adestrador | Joaquín Rocamora (Balonmano Elche); Imanol Álvarez (Super Amase Bera Bera), José Ignacio Prades (Atlético Guardés)
Desde a RFEBM afirmaron que cada xogadora ou adestrador nomeado contaría cun vídeo que servirá como carta de presentación e como obxecto para as votaciones tanto na APP RFEBM como nas respectivas redes sociais da Liga Guerreiras Iberdrola.
Formato das votacións
Podíanse realizar as votacións de cinco xeitos diferentes e o resultado final obterase a través da suma das seguintes porcentaxes:
App RFEBM | Supoñerá o 60% dos votos totais. Poderán votar tanto usuarios xa rexistrados como novos usuarios, cuxa aplicación poder descargar a través de iOS e Android.
Twitter | Supoñerá o 10% dos votos totais. Teranse en conta a cantidade de retweets que reciba cada vídeo subido ao perfil oficial da Liga Guerreiras Iberdrola. En caso de empate, atenderase ao número de “Me gusta” dos vídeos implicados.
Facebook | Supoñerá o 10% dos votos totais. Teranse en conta a cantidade de “compartidos” que reciba cada vídeo subido ao perfil oficial da Liga Guerreiras Iberdrola. En caso de empate, atenderase ao número de “Me gusta” dos vídeos implicados.
Instagram | Supoñerá o 10% dos votos totais. Teranse en conta a cantidade de “Me gusta” que reciba cada vídeo subido ao perfil oficial da Real Federación Española de Balonmano.
YouTube | Supoñerá o 10% dos votos totais. Teranse en conta a cantidade de reproducións que reciba cada vídeo subido á canle da Real Federación Española de Balonmano.
