Tarde estraña en A Sangriña. Non ardeu a bancada do Inferno’, que por mor da COVID-19 tivo que estar baleira. Pero a pista pontevedresa viu como o Atlético Guardés pasaba en modo apisoadora por encima do recentemente ascendido Lanzarote-Puerto del Carmen para lograr a primeira vitoria da tempada de forma contundente: 38-13 e cun avultado parcial ao descanso de 24-7.
O equipo de Prades esqueceuse das catro baixas que presentaba –Sempere, Mazza, Urban e Valero– e púxose o mono de traballo para recuperar sensacións tras unha agridoce Copa da Raíña. A semana que vén, visita ao Super Amara Bera Bera.
Patrícia Lima, Paula Arcos, Paulina Buforn, Daniela Moreno, Lorena Pérez, Carla Gómez e Marisol Carratú conformaron o primeiro sete inicial do Atlético Guardés para a Liga Guerreiras Iberdrola 20-21. O 0-1 asinado por Topic foi un espellismo.
O Guardés, por medio de Carla Gómez, Paulina Buforn e Lorena Pérez endosaron un parcial de 8-0. Carratú tamén paraba, o Lanzarote estancábase con varias faltas en ataque e o 6-0 das galegas funcionaba ben. Polo medio chegou o primeiro tempo morto das visitantes (min. 6:45), pero Lemes foi incapaz de atopar o revulsivo entre as súas xogadoras.
Destacaba o traballo de Carla Gómez, rendendo tanto en ataque (Valero e Sempere, estaban lesionadas) como en defensa e as súas compañeiras brillaban tamén explotando o lanzamento exterior e os contraataques, todo funcionaba e mesmo Carratú anotou a portería baleira. Chegaron os cambios e as rotacións no equi- po local (entraron Rajnohová, Santiago, Barbosa, Descalzo…) e o Guardés seguiu funcionando co- mo un reloxo ata o minuto 30 (24-7).
Durante a segunda metade o Atlético Guardés non afroxou a acelerador
O equipo de A Guarda continuou como un tiro e un Lanzarote desesperado encomendous á ex guardesa Rosa Álvarez(3 goles) para intentar salvar o partido. Buforn cansouse de soltar canonazos (11 goles), Sandra Santiago tamén martilleó sen cesar a rede visitante (6 goles) e pouco a pouco as de Prades asinaron unha primeira vitoria coral. Ata Míriam Sempere contou con minutos en portería, onde atallou case unha decena de balóns. Así, con traballo moi serio e sen baixar en ningún momento o rendemento, o Atlético Guardés suma os seus dous primeiros puntos.
FICHA TÉCNICA
Club Balonmán Atlético Guardés (24+14): Sandra Santiago (6), Lorena Pérez (4), Descalzo, Miriam Sempere, Paulina Pérez (11), Patrícia Lima (2), Cristina Barbosa (1), Paula Arcos (4), Carla Gómez (3), Marisol Carratú (1), Erika Rajnohová (1), Laura Morais e Daniela Moreno (5).
Lanzarote-Puerto del Carmen (7+6): Famara Fernández (2), Keyla Hernández (2), María del Carmen Sánchez (1), Cristina Betancort, Suely Pinto (2), Eva Morales, Beatriz Betancort, Lucía Betancort, Rosa Álvarez (3), Atteneri Morales, Madeleine Noelia Cortez, Antonella Valentina Piantini, Neus Llorens (1), Sladjana Topic (2).
Resultado cada 5’: 3-1, 8-1, 14-3, 16-4, 18-5, 24-7 (descanso), 29-8, 31-9, 31-10, 33-10, 36-12, 38-13 (final).
Árbitros: Pedro Eiras e Lucas Crespo (Galicia). Excluíron a Descalzo, Lima e Rajnohová por parte das locais e Sánchez, Cris Betancort, Cortéz e Topic das visitantes.
Incidencias: Partido correspondente á xornada 1 da Liga Guerreiras Iberdrola no Grupo A celebrado en A Sangriña (A Guarda) a porta pechada.
