As primeiras liñas Paulina Buforn e Estefanía Descalzo continuarán a próxima tempada no Mecalia Atlético Guardés xogando la Liga Guerreras. As dúas xogadoras suman os seus nomes aos das tres capitás: África Sempere, Marisol Carratú e Lorena Pérez, tamén renovadas.
Paulina Pérez Buforn: “Poderei seguir vivindo o meu idilio guardés unha tempada máis”
A primeira liña Paulina Buforn (Eivissa, 25/01/1997) cumprirá a súa terceira tempada nas filas do Mecalia Atl. Guardés tras pechar a súa continuidade na plantilla que dirixirá por quinto ano consecutivo José I. Prades. A xogadora zurda, que chegou no verán de 2018 procedente do Zuazo, celebra “seguir vivindo o meu idilio Guardés coa ilusión intacta de poder crecer e mellorar deportivamente, asumir o rol que se me dea e ir superando as miñas barreiras”, conta.
Buforn, xogadora do Atlético Guardés: “Quero seguir vivindo o meu idilio Guardés coa ilusión intacta de poder crecer e mellorar deportivamente, asumir o rol que se me dea e ir superando as miñas barreiras”.
Buforn, unha das fixas no proxecto ‘Obxectivo 2021’, une o seu nome ao das tres capitás –Sempere, Carratú e Pérez– e a un bloque renovado na súa práctica totalidade (tres baixas: Carmen Campos, Meriem Ezbida e Sara Bravo). A xogadora ibicenca, próxima a finalizar os seus estudos de Dereito, confesa sentirse “afortunada e agradecida por ter a oportunidade de pelexar polos ambiciosos obxectivos que sempre ten este club xunto a un auténtico equipazo”, celebra. Uns obxectivos que terán que volver trazarse tras un final abrupto de tempada.
“Esta tempada non tivo o final que mereciamos nós e os nosos, pero o grupo humano foi un auténtico soño e iso fíxonos sacar partidos cando o contexto non nos favorecía”, valora Buforn.
“Quedo coa implicación sen peros, o esforzo diario e unhas ganas tremendas de traballar ao seu lado. Cunha base cada vez máis unida a nós”, recolle a xogadora á vez que agradece o apoio do club, en especial do presidente José M. Silva, e lanza unha mensaxe á afección, da que o equipo non se puido despedir na pista: “O seu apoio é imprescindible para a continuidade do proxecto, vén unha tempada complicada por moito motivos pero quérolles dicir que nos van a atopar sempre deixándonos a pel por isto”, adianta Buforn.
Buforn, xogadora do Atlético Guardés: “Esta tempada non tivo o final que mereciamos nós e os nosos, pero o grupo humano foi un auténtico soño e iso fíxonos sacar partidos cando o contexto non nos favorecía”.
Fani Descalzo: “Chegar a un equipo ambicioso fíxome recuperar a ilusión e competitividade, mesmo nervios antes dos partidos”
O lateral dereito seguirá gozando coas mesmas caras, xa que á renovación de Paulina Buforn súmase a de Estefanía Descalzo (Valencia, 9/06/1990). A primeira liña e especialista defensiva chegou hai máis ou menos un ano procedente do Canyamelar Valencia, o club da súa vida, para, contou naquel entón, dedicarse ao balonmán profesionalmente tras compaxinar sempre o deporte con estudos e o seu traballo como enfermeira. E o destino quixo que, coa tempada parada pola irrupción da pandemia da Covid-19, Descalzo regresase ao sistema sanitario na súa cidade natal.
“Agora mesmo estou a cubrir unha baixa e non teño data límite, dependerá de cando se reincorpore a outra persoa”, explica a xogadora. Descalzo deixou A Guarda hai xa varias semanas para incorporarse nun hospital valenciano e aclara que “neste momento está a situación máis controlada, hai moitas camas libres tanto en hospitalización como na UCI, pero iso non significa que nos relaxemos”, apunta. “Temos que seguir sendo responsables, solidarios e con sentido común” é a mensaxe que lanza a enfermeira á sociedade.
Buforn, xogadora do Atlético Guardés: “Neste momento está a situación máis controlada, hai moitas camas libres tanto en hospitalización como na UCI, pero iso non significa que nos relaxemos”.
No relativo á súa continuidade, Estefanía Descalzo manifestou estar “moi contenta”. Os seus motivos: “fixemos un grupo moi unido e sempre fomos en todos os aspectos un equipo”. Como é lóxico, tamén lamenta que a tempada non acabase segundo o esperado, pero afirma que “o traballo foi moi bo e tiñamos moi boas sensacións a pesar de ser un equipo novo con moitas xogadoras novas e que con moito traballo conseguimos bos resultados”, describe. No ámbito persoal confesa que “chegar a un equipo ambicioso fíxome recuperar a ilusión e competitividade, mesmo nervios antes dos partidos” e que lle gustaría seguir “con estas sensacións para a tempada que vén”, anhela.
Buforn, xogadora do Atlético Guardés: “O traballo foi moi bo e tiñamos moi boas sensacións a pesar de ser un equipo novo con moitas xogadoras novas e que con moito traballo conseguimos bos resultados”.
