A plantilla senior do Club Balonmán Atlético Guardés retorna esta tarde, ás 16:30 horas, aos adestramentos. A semana de traballo estará centrada na preparación do partido do sábado. A Guarda acollerá o cruce contra do Uneatlántico Pereda.
O equipo completará oito sesións de adestramento antes do partido coas de Santander. Os adestramentos estarán dixidos polo técnico José Ignacio Prades que estivo traballando estes días coa Selección Española da man da RFEBM. Tanto o técnico como as xogadoras internacionais que estaban coas súas seleccións teñen regresado a Galicia.
Este xoves toca text de detección de COVID-19 cumprindo coas recomendacións da Xunta de Galicia que marcan controis da enfermidade cada 14 días nos equipos galegos que militan en ligas estatais.
Nesta fin de semana, a Liga Guerreras retorna á Sangriña. A terceira xornada enfrontará ao Club Balonmán Atlético Guardés co Uneatlántico Pereda. Será o sábado 10 de octubre ás 19:00 horas na Guarda. Os colexiados designados para o cruce son: Rafael García Mosquera (Andalucía) e Alberto Rodríguez Rodríguez (Galicia).
O encontro vaise poder seguir a través dunha transmisión online, streaming, cada vez máis equipos e disciplinas deportivas optan por esta opción por mor das limitacións de aforo dos recintos deportivos a causa da pandemia de COVID-19.
