O Mecalia Atlético Guardés emitiu un comunicado a teor do cuestionario remitido pola RFEBM aos clubs de DHF. O club galego calificou de “pantomina” dito formulario ao entender que non ten “carácter oficial nin vinculante”. Deste xeito, a Xunta Xestora do club galego quixo resumir o escrito enviado o pasado mércores á Real Federación Española de Balonmán.
O club galego xustifica a súa decisión de non participar na enquisa enviada aos clubs porque o resultado tratarase “de maneira totalmente confidencial” polos órganos federativos, e reitera o seu rexeitamento a que se renove a competición en xuño e/ou xullo alegando “condicionantes contractuais”.
O Atlético Guardés, ademais, pregúntase cales son as iniciativas “no ámbito sanitario” da RFEBM para garantir a saúde das deportistas no caso de que se opte por finalizar a liga Guerreiras Iberdrola.
O Presidente da Xunta Xestora do Club, D. José Manuel Silva Vicente, asistiu na tarde do pasado 2 de abril vía telemática á reunión convocada pola RFEBM na que participaron todos os representantes dos clubs da Liga Guerreras Ibredrola. Despois desta reunión, o Departamento de Comunicación Federativo publicou un “Comunicado conxunto dos Clubs da liga Guerreiras Iberdrola e a RFEBM”.
Tras o comunicado da RFEBM, a entidade galega quixo aclarar de maneira pública unha serie de cuestións nun escrito que xa foi posto en coñecemento dos medios de comunicación e do que queremos rescatar unha serie de puntos:
- O Guardés presupón a todos os estamentos da Liga Guerreras Ibredrola o desexo de poder concluír a tempada 2019-2020 e o carácter competitivo de técnicos e xogadoras pero, dado o contexto actual da pandemia COVID19, o club galego insiste no risco que para todos supón a día de hoxe renovar a competición o 18 de abril ou disputar unha fase final da Copa da Raíña (24-26 de abril). A entidade incide nestas datas porque destacan que desde a RFEBM a día de hoxe non se notificou o aprazamento destas competicións, mantendo as datas apuntadas anteriormente.
- O Guardés lamenta que a Liga Guerreras Ibredrola emitise un comunicado “conxunto” tras a reunión que non se axustaba ao acordado no encontro telemático. Posteriormente foi rectificado polo ente federativo ante as múltiples reaccións trasladadas polos clubs.
O escrito foi rectificado posteriormente pola RFEBM cun tweet:
Ante diversos comentarios surgidos a raíz de la reunión mantenida con los clubes de la Liga, el punto de ascensos y descensos es una propuesta acordada por la Junta Directiva en su última reunión, postura que no tiene por qué ser vinculante.
— Guerreras Iberdrola (@IberdrolaDHF) April 2, 2020
- No Atl. Guardés consideran insuficiente esta vía de rectificación tras remitir o comunicado aos medios de comunicación vía correo electrónico e non corrixir a información do mesmo xeito. Doutra banda, lamentan que máis de dez días despois o comunicado siga publicado con información errónea na web federativa.
- Por último, desde o club da Guarda lamentan a falta de sensibilidade coas preocupacións das xogadoras, principais protagonistas do noso deporte, e que nas últimas horas trasladaron en bloque á RFEBM. No devandito cuestionario o 84% dos participantes avogaban pola cancelación da presente tempada.
Sen que existise desde o pasado 2 de abril de 2020 ningunha reunión máis entre clubs e RFEBM nin se trasladase algunha información nova por parte da federación, o día 11 de abril de 2020 o Guardés recibiu un cuestionario ao que contestaron co seguinte parágrafo:
O Guardés non vai participar nesta segunda PANTOMIMA que desde a Presidencia da RFEBM é solicitar a opinión dos Clubs sobre propostas que, como ben di na carta enviada polo Presidente da RFEBM, esta consulta “NON TEN CARÁCTER OFICIAL NIN VINCULANTE” e que só serán para exporllas á Comisión Delegada da Asemblea, quen será a que decidirá as solucións correspondentes a esta tempada deportiva e que ademais toda a “INFORMACIÓN TRATARASE DE MANEIRA TOTALMENTE CONFIDENCIAL”. O Guardés acóllese ao seu dereito de facer público este escrito xa que queremos que todos os estamentos do balonmán sexan coñecedores da nosa posición.
O mencionado cuestionario federativo reza no seu enunciado:
Sempre considerando que o máis importante é a saúde de todos os estamentos do balonmán, e contando con todas as garantías sanitarias, así como cunhas datas de mini pretemporada (10-15 días).
Ata o día de hoxe, o club galego insiste que a RFEBM unicamente referiuse a “contar con todas as garantías sanitarias” pero non indicou ningunha medida concreta para garantir esta premisa. Noutros deportes que tamén barallan retomar a competición cando sexa posible reclámase polo menos a realización de recoñecementos médicos a todos os deportistas que inclúan test de COVID19. Desde o Atlético Guardés queren saber se a RFEBM contempla esta posibilidade ou cales serían as súas iniciativas en ámbito sanitario.
O Guardés considera que é necesaria unha resposta concreta a varias cuestións como que decisión tomarase coas e os deportistas que estas semanas están a traballar no sector sanitario. “Deben pasar unha corentena? Vánselles a asegurar test Covid-19? Que ocorrería no caso de que algún deportista dese positivo por coronavirus en caso de retomar a competición?”, indican desde a entidade galega.
“Como xa manifestou o noso Presidente na reunión coa RFEBM se o Ente federativo non dá unha resposta concreta ás cuestións sanitarias que expomos anteriormente en ningún caso contemplamos a posibilidade de levar a termo a competición tal e como foi deseñada para a tempada 2019-2020”, reza o comunicado.
E para concluir engade: “A nosa postura é rotunda e clara en canto á negativa de xogar en xuño e/ou xullo por diversos motivos que xa expuxemos na reunión. Condicionantes contractuais tanto laborais como de alugueres, situación deportistas estranxeiras, deportistas que finalizan o seu contrato no club e a próxima tempada cambian de equipo, posibilidade de condicionar o comezo da tempada 2020-2021…”
