A segunda xornada da Liga Guerreiras Iberdrola chega para o Atlético Guardés cun partido estrela. Un choque destacado polo rival, o Super Amara Bera Bera, actual campión de Liga, co que se enfrontará o hoxe, venres 18, ás 21.00 horas o Pabellón José Antonio Gasca de San Sebastián. O encontro poderá verse a través da canle temática Teledeporte.
O equipo de José Ignacio Prades desprazouse ao País Vasco mermado e condicionado pola baixas para medirse a un conxunto aspirante a todos os títulos. A expedición subiuse onte ao autobús na Guarda con doce xogadoras: as porteiras Marisol Carratú e Míriam Sempere; as centrais Patrícia Lima e Erika Rajnohová; as laterais Paulina Buforn, Estefanía Descalzo, Paula Arcos e Sandra Santiago; as extremos Daniela Moreno, Lorena Pérez e Cris Barbosa; e a pivote Carla Gómez.
O Atlético Guardés viaxa a San Sebastián con moitas baixas
A listaxe de baixas do club galego é ampla: África Sempere (longa duración), Martina Mazza (longa duración), Rosario Urban (longa duración), Sarah Valero e Laura Morais, estas dúas cunha baixa estimada de 3-4 semanas debido a un edema óseo e molestias musculares, respectivamente.
Tras a eliminación nos cuartos de final da Copa da Raíña e a primeira vitoria en liga fronte o Lanzarote (38-13) que sitúa ás de Prades como primeiro líder por diferenza de goles do grupo A, o técnico atopa ao seu equipo ben, pero marcado e condicionado polas baixas “Non te acostumas”, lamenta o adestrador, engandindo que “hai que traballar e lidar con iso todos os anos, buscando solucións. Son baixas moi importantes, pero o grupo está a traballar ben e esperamos facer un bo partido”.
José Ignacio Prades, adestrador do Atlético Guardés sobre as ausencias por lesión: “Hai que traballar e lidar con iso todos os anos, buscando solucións. Son baixas moi importantes, pero o grupo está a traballar ben e esperamos facer un bo partido”
Tanto en pretemporada como na Copa ou ante Lanzarote, viuse a xogadoras desprazadas do seu posto natural. Por exemplo Buforn no extremo dereito ou Descalzo no pivote.
Estas rotacións, que tamén deberán manterse mañá, responden, segundo Prades, “á necesidade imperiosa de que todo o mundo teña un pequeno respiro, un descanso, xa que agora mesmo por exemplo só temos un extremo dereito e unha pivote”.
O Super Amara Bera Bera, actual campión de liga, tamén chega con baixas
Tampouco o rival de mañá, o Super Amara Bera Bera, está libre de lesionadas. Nin a central Emma Boada nin a pivote Eli Cesáreo entran na convocatoria.
José Ignacio Prades, adestrador do Atlético Guardés: “As rotacións responden á necesidade imperiosa de que todo o mundo teña un pequeno respiro, un descanso xa que agora mesmo por exemplo só temos un extremo dereito e unha pivote”
Aínda así, o adestrador do Atlético Guardés ten claro que falar das donostiarras, vixentes campioas de Liga, “é falar sempre dun aspirante a todos os títulos, un equipo que sempre sae a dalo todo e máis na súa pista”.
O Guardés terá diante a “unha dos mellores persoais da categoría e que hai que ter en conta para todo”, confirma Prades. Un equipo que incorporou a Laura Hernández, Malena Calvo e Alice Fernandes e sufriu as baixas de Merche Casteláns, Silvia Arderíus e Priscila dous Santos.
— Club Bm. Atl. Guardés (@Atlguardes_ofic) September 18, 2020
Tras o tropezo da Copa da Raíña, na que caeron en cuartos co Elche por 24-28, as de Imanol Álvarez tamén puideron desquitarse no debut ligueiro gañando de maneira folgada ao novato na categoría CICAR Lanzarote Ciudad de Arrecife (17-32).
Mañá, o Gasca, con público, gozará dun dos ‘clásicos’ da Liga Guerreiras Iberdrola.