O Club Balonmán Atlético Guardés continúa dando pasos na preparación da tempada 2020/2021. Tras marcar o 23 de xullo como data de inicio da pretemporada do equipo sénior, a entidade do Baixo Miño tamén traballa na planificación do traballo para as categorías inferiores.
Este ano a base contará cunha estrutura máis reforzada, integrando unha parte directiva e outra técnica. Así, no grupo de traballo por parte da Xunta Directiva estarán presentes o presidente, Jesús López, unha das vicepresidentas, Nuria Lago e os vogais María José Alonso e Roberto Martínez de Antoñana.
Un ano máis, o adestrador do equipo sénior, José I. Prades, asumirá a función de Director Técnico, mentres que para a Coordinación da Base Daniela Savic unirase a Pedro Aznar neste cargo. Por último, Mariano Carbone foi nomeado como responsable do programa das Escolas Deportivas.
As categorías contarán cos seguintes adestradores:
Xuvenil .- Daniela Savic
Cadete .- Fabio Lima
Infantil- Mariano Carbone
Alevín e benjamín .- Pedro Aznar
Ademais, as xogadoras da plantilla da Liga Guerreiras Iberdrola tamén estarán implicadas no día a día das categorías inferiores do club.