Cambio de mes pero o Arousana segue asegurando efectivos de cara á tempada que vén na Primeira Nacional. O club galego anunciou a continuidade de seis xogadoras importantes como son Romina Dadín, Irene Galban, Almudena Agra, Mirian Señoráns, Carla Falcón e Miriam Ríos.
Desde o Atlético Arousana destacaron a cada unha das xogadoras renovadas. No caso de Mirian Señoráns quixeron destacar que “Miri e unha xogadora con enorme talento e calidade. Uns dous pesos pesados que achegase a sua experiencia na categoria. Leva moitos anos non equipo ainda que o ano pasado fichou polo Umia para volver en xaneiro á que é a súa casa”.
No caso de Almudena, a entidade destacou que “sera a súa segunda tempada é unha xogadora con muchisima calidade e moi nova que aínda ten moita marxe para seguir crecendo”.
O caso de Irene é un tanto particular xa que hai 1 mes operárona do cruzado e sera unha tempada de recuperar para recuperar sensacións. O Atlético Arousana a raíz desta renovación dixo que “ainda que para ela será unha tempada distinta pola lesión dende o club queremos anunciar a continuidade de Irene Galban e todo o noso apoio para vela canto antes nos terreos de xogo. Moita sorte”.
Romina leva varias tempadas ligada ao conxunto galego e desde o club quixeron agradecer o seu compromiso e destacáronna como “una xogadora traballadora, implicada que achegase du granito de area tanto no campo como a nivel grupal. Estamos encantados de que esté nas nosas filas”.
A renovación de Carla Falcón ten especial relevancia xa que é unha das capitanas, un dos pesos pesados dentro do club e vital na defensa amarela. “Seguimos traballando de cara a próxima tempada e anunciamos a renovación dunhas das nosas capitanas Carla Falcón. Unha das pezas importantes da nosa defensa. Moita sorte”, destacou o Arousana nas súas redes.
Para Miriam Ríos será a súa segunda tempada como xogadora do Arousana. A pesar da súa xuventude destaca pola veteranía que demostra sobre o verde. O club quixo agradecer a súa implicación: “esta vez anunciamos a continuidade de Miriam Ríos xogadora xoven, traballadora e implicada no proxecto. Estamos encantad@s de seguir tendoa no equipo. Moita sorte”.
