O Atlético Arousana non cesa na súa labor de pechar a plantilla de cara ao ano que vén. A semana pasada pechou a continuidade do dúo no corpo técnico conformado por Moncho e Nando e as xogadoras Carla Moital, Anita González, Bárbara Sierra e Bárbara Caamaño, agora é o turno de Nerea Domínguez e Iria Pérez.
Estas renovacións apuntalan o equipo galego de cara a vindeira tempada que continuará disputando e competindo na Primeira División Nacional.
Perla da canteira
Desde o club amarelo quixeron agradecer o compromiso e continuidade dunha xogadora con moito futuro na entidade de Vilargarcía: “Gran noticia a que damos coa continuidade de Iria Pérez xogadora que procede do filial e que esta chamada nuns anos a ser un dos referentes do equipo. Co seu traballo dara moitas alegrias. Moita sorte”.
Sumada a continuidade de Iria, súmase a renovación de Nerea Domínguez. Desde o Arousana quixeron ter unas verbas de agradecemento de cara a continuidade da galega: “Seguimos traendo boas noticias confirmando a continuidade por unha tempada máis a Nerea Dominguez. Desexámoslle moita sorte e que siga traballando como ata agora”.
