O Atlético Arousana afronta unha das últimas finales que lle quedan para acadar o obxectivo da permanencia na Primeira Nacional. O Gijón F.F visita o campo municipal de Vilaxoán o vindeiro domingo ás 12:00. As galegas queren subirse a un dos últimos trenes de cara a permanencia e para iso terán que sumar de tres ante a súa xente.
O técnico galego das arousás é consciente da importancia do partido do domingo no que estarán máis que tres puntos en xogo: “Sentimos este partido como un duelo decisivo tanto o corpo técnico como as xogadoras. Estamos convencidos de que non é o último tren cara a salvación pero case. As opcións de permanencia pasan por gañar o domingo. Queremos disputar estas oito final que nos quedan e chegar con opcións ata o final de campionato”.
Moncho, adestrador do Atlético Arousana: “Estamos convencidos de que non é o último tren cara a salvación, pero case. As opcións de permanencia pasan por gañar o domingo”.
Moncho destacou durante a previa que o Gijón FF “é un rival que o coñecemos da primeira volta e creo que lle podemos facer dano. Deixar escapar este partido sería un paso atrás demasiado grande como para volver tentar coller a senda da salvación. Aínda que non sexa o último tren, sí creo que é unha das últimas oportunidades para ter opcións de salvarnos”.
Moncho, adestrador do Atlético Arousana: “Deixar escapar este partido sería un paso atrás demasiado grande como para volver tentar coller a senda da salvación. Aínda que non sexa o último tren, sí creo que é unha das últimas oportunidades para ter opcións de salvarnos”.
O Atlético Arousana é o pechacancelas da categoría con 7 puntos. O mister galego, a pesar da situación complexa da entidade, desfíxose en eloxios cara a súa plantilla: “Este plantel é un exemplo e cada día adestra con moito sacrificio e compromiso. Todo o corpo técnico estamos moi contentos de poder adestrar a estas mozas”.
Moncho, adestrador do Atlético Arousana: “Este plantel é un exemplo e cada día adestra con moito sacrificio e compromiso. Todo o corpo técnico estamos moi contentos de poder adestrar a estas mozas”.
A xogadora máis veterana e capitá do equipo, Carolina Baños, quixo destacar ás xogadoras máis novas que están a adestrar durante as últimas semanas co primeiro equipo. “Xogadoras moi novas pero que están a ser chamadas a ser un referente no equipo. Este domingo xogamos na casa contra o Gijón un partido transcendental de cara a seguir pelexando pola salvación”.
Carolina, xogadora e capitá do Atlético Arousana: “Este domingo xogamos na casa contra o Gijón un partido transcendental de cara a seguir pelexando pola salvación”.
Moncho, tamén tivo verbas de elexio coas xogadoras máis novas: “Iria Pérez é unha xogadora con moita calidade e moita proxección. Evidentemente ten moitas cousas que aprender e mellorar pero a pesar de estar en formación é unha xogadora que nos está axudando e aportando moito”.
Moncho, adestrador do Atlético Arousana: “Iria Pérez é unha xogadora con moita calidade e moita proxección. Evidentemente ten moitas cousas que aprender e mellorar pero a pesar de estar en formación é unha xogadora que nos está axudando e aportando moito”.
“Iria Ferreiro, Sofia, Adriana non poden xogar en Liga pero estannos axudando en Copa. Dannos moita competitividade nos adestramentos e seguro que nun futuro serán xogadoras importantes do club”, destacou Moncho das máis novas do plantel que a pesar de non poder xogar en Liga pola súa curta idade, si que están axudando moito ás amarelas tanto en Copa como nos adestramentos.
Moncho, adestrador do Atlético Arousana: “Iria Ferreiro, Sofia, Adriana estannos axudando moito e seguro que nun futuro serán xogadoras importantes do club”.
O Atlético Arousana afronta o partido coas dúbidas de Laura que resentiuse da súa lesión de xeonllo e Almudena que está con dúbidas por un golpe nun costado.
Mensaxe do club nas súas redes sobre a perla arousá: “Como xa sabedes, Iria xa leva disputados varios partidos de liga co primeiro equipo dende o club queremos apoiala incondicionalmente e desexarlle que siga traballando igual porque e o noso futuro”.
O Atlético Arousana aliméntase coa ‘Hamburguesa Deportiva’
O deporte en Vilagarcía atopou un novo e orixinal apoio grazas a unha idea que levará a cabo o Bar Barrantes.
Trátase dun patrocinio moi particular basado en engadir á súa carta a que se coñecerá como a hamburguesa deportiva.
Desta maneira, de cada unha das hambuguesas que se vendan irá destinado 1€ integramente aos clubs deportivos de Vilagarcía. Unha idea que xa levou a cabo no mesmo establecemento a beneficio da Protectora de Animais de Vilagarcía e que tivo unha gran acollida. A hamburguesa deportiva terá un prezo de venda ao público de 4 euros e tamén haberá opción vegana para os que opten por esta posibilidade.
O propio Bar Barrantes acolleu onte a presentación desta enxeñosa colaboración e na que estiveron representados os cinco clubs que inicialmente participan na iniciativa con algúns dos seus xogadores e xogadoras. Por parte do Cortegada acudiron Lorena Rial e Antía Varela, Oumar Sidibé por parte do Arousa, Miriam Señoráns polo Atlético Arousana, Juan Vázquez por Os Ingleses e Iago Rey polo CLB.
Co fin de participar co máximo número de clubs, está achega farase de maneira rotatoria por un período de dous meses para cada entidade e será a propia entidade a que dea nome durante ese período á propia hamburguesa. A orde establecida inicialmente conta como primeiro beneficiado ao Atlético Arousana. Seguiranlle, por esta orde, Cortegada, Os Ingleses, Arousá e Sigaltec CLB, que son os clubs que tamén deron o visto e prace a esta iniciativa.
Mauricio Pérez, propietario do establecemento, sinalou neste sentido que “cremos que é unha boa maneira de axudar ao deporte porque entendemos que é un dos mellores embaixadores que temos de Vilagarcía”. Engade o hostaleiro que “pensamos ademais que ademais é unha boa maneira de axudarse uns a outros entre os clubs e que todos se vexan beneficiados porque retribuirá directamente neles. Cantas máis hamburguesas véndanse mellor para todos”.
Mauricio Pérez, propietario do Bar Barrantes: “Cremos que é unha boa maneira de axudar ao deporte porque entendemos que é un dos mellores embaixadores que temos de Vilagarcía”.
A iniciativa en prol dos clubs locais vai aínda máis aló debido a que se instalará unha hucha solidaria no Bar Barrantes para que todo o mundo poida participar con sorteos de camisetas oficiales de todos os clubs.
