O Atlético Arousana leva traballando varias semanas na renovación do seu plantel de cara á vindeira tempada na 1ª División Nacional. Neste caso, a entidade de Vilagarcía renova a seis xogadoras importantes para empezar a preparar a próxima campaña coa destaca renovación de Carolina Baños, capitá e emblema do Atlético Arousana.
A primeira en asinar foi Belén Fernández e desde o club amarelo quixeron enviar unha mensaxe de agradecemento á xogadora: “Anunciamos a continuidade de Belen Fernandez xogadora con talento, calidade e compromiso co noso club. Desexámoslle moita sorte e que estamos encantad@s de seguir contando con ela”.
O Arousana asegurouse a continuidade de tres perlas do filial, Sofía, Adriana e Iria.
“Anunciamos a continuidade no equipo de Sofia que ven do noso filial é unha xogadora de futuro que nos dara moitas alegrias. Moita sorte”, destacou o club da renovación de Sofía.
A segunda das perlas de futuro renovada foi Adriana, que xa estivo ás ordes de Moncho a tempada pasada e incluso gozou de minutos na Copa. “Seguimos traballando de cara a próxima tempada anunciando a continuidade de Adriana. Xogadora con gran proxecciòn que xa pudo debutar este ano co primeiro equipo na copa”, agradeceu o club amarelo.
A última das máis novas en subarse ao proxecto foi a gardamallas Iria. Así anunciaba a o club que a promesa subía ao primeiro equipo de cara á vindeira tempada: “Seguimos con boas noticias! A nosa porteiraza Iria dará un gran paso subindo este ano ò primeiro equipo! Xogadora moi nova pero con grandes cualidades debaixo dos paus. A túa sorte será a nosa!”.
https://www.instagram.com/p/CCTtkUBDDdF/
Por último, chegaban dúas renovacións mois especiais. A de María Arufe e sobre todo a de Carolina Baños. Xogadora, capitá e emblema do Atlético Arousana xa que leva ligada á entidade amarela máis de 25 anos.
Deste xeito agradeceu o Arousana as renovacións a estas dúas xogadoras importantes no plantel dirixido por Moncho: “Boisimas noticias a golpe de martes!! Carolina Baños e María Arufe seguiràn con nos unha tempada màis! Dúas das nosas capitanas e dous piares fundamentais no noso equipo! A vosa sorte serà a nosa!”.
https://www.instagram.com/p/CCoi3Jljw-8/
