A sorte non caeu do lado dos conxuntos galegos durante a mañá deste domingo de fútbol no Grupo I da Primeira División Nacional. Tanto as amarelas como as santiaguesas non conseguiron acadar ningún punto nos seus respectivos duelos. O Atlético Arousana perdeu na casa do Oceja por 5-2 e o Victoria FC caía pola mímina (1-2) no seu feudo, o Santa Isabel.
A falta de gol marcou o partido
O Arousana visitou durante a mañá de hoxe o campo do Oceja en Santander. As galegas comezaron o partido cun bo ritmo e metendo presión ás locais. De feito, gozaron de varias ocasións para poñerse por diante no luminoso. Un pau de Caamaño e no rexeite, un tiro de Arufe que atallou moi ben a cancerbeira santanderina.
Moncho, adestrador do Atlético Arousana: “Carolina estivo moi activa durante a segunda metade e fixo un gran partido, conectando moi ben con Zaida e Arufe”.
Tras o gol, as de Vilagarcía non perderon a cara ao partido e, a través de Carolina, tiveron dúas ocasións moi claras de convertir. A primeira, nun tiroa bocaxarro no que fai unha gran atallada a porteira. A segunda oportunidade da capitá, foiselle ao longueiro.
A sorte non caeu do lado das nosas amarelas e recibiron o primeiro gol que fixo moito dano as galegas. Preto do minuto 35 o Oceja fixo unha gran xogada na que a dianteira local faille un sombreiro as centrais galegas e a reviravolta crozou moi ben o coiro para poñerse por diante. As de Moncho sufriron moito polo gol, e tras un pase filtrado as costas da nosa defensa, Carla tivo que agarrar á dianteira local dentro da área. Penalti e 2-0.
Moncho, adestrador do Atlético Arousana: “O primeiro gol deixounos noqueadas e xa ao carón do descanso recibimos o terceiro.”
O terceiro chegaría nunha xogada moi similar ao do segundo gol. Tras o 3-0 se chegaba ao tempo de lecer cun resultado que non reflexaba o vivido sobre o verde.
Tras a segunda metade, as galegas saíron ao campo con aires renovadois. Carolina meteu o 3-1 e estivo moi activa completando un gran encontro. Conectaron moi ben Carolina, Zaida e Arufe no principio da segunda metade e fixeron que o Arousana levase o dominio do encontro.
A superioridade viuse reflexada co 3-2 que chegou tras un centro de Caamaño que empalmou Carolina, anotando un gran gol e facendo o segundo da súa conta particular.
Moncho, adestrador do Atlético Arousana: “Faltounos transformar as ocasións en goles. Elas foron moito máis efecticas ca nós e iso viuse no marcador”.
As amarelas empurraron par conseguir o empate e tiveron varias ocasións de anotar, pero nunha contra, ás cántabra fixeron o 4-2. Moncho mandou o equipo moi alto para afogar a súa saída e tentar empatar antes de pitido final. Con espazos á espalda da defensa galega, o Oceja tirou varias contras e nunha delas conseguiron o 5-2 final. O Atlético Arousana segue colista da categoría e tocará seguir traballando e remando para saír desta dinámica.
Sorpresa en Santa Isabel
Falaba Chivi na previa da importancia de gañar para seguir nos postos de arriba. Desgraciadamente para as santiaguesas non foi así, e caeron en casa, ante o filial do Sporting de Gijón, nun encontro no que foron claves dous errores puntuais en defensa. Con esta derrota (a cuarta da tempada) pola mínina (1-2) as pupilas de Chivi García perderon a tercera posición e detrimento do Dépor “B” que conseguíu gañar ao Valladares.
Con esta derrota, as vermellas sitúanse cuartas no Grupo I da Primeira División Nacional e nesta semana tocará facer traballo extra para cambiar o chip e tratar de conseguir a vitoria no campo do Racing Féminas “B”.
Xa avisara na previa o técnico Chivi García que non se fiaba do resultado da ida (1-6) xa que aquel encontro era o debut das asturianas na categoría e se lles notaban os nervios da estrea, e estaba no certo o adestrador santiagués. Desde xa moi cedo, as galegas comprobaron que ía ser un encontro moi complicado, pois nunca estiveron cómodas e non puideron dominar o xogo. Ainda así, lograron o primeiro tanto cun bo gol de Raquel no minuto 32 do partido. Con esta vantaxe chegaron ó descanso.
Chivi García, adestrador do Victoria FC: “O empate veu precedido dun erro de Carmen que se lle escapa das máns o balón e o segundo tanto minutos despois nun fallo na marca nun cambio de orientación do equipo sportinguista”.
Na segunda metade non mudou o guión. O equipo santiagués sufriu moito “co balón sen ideas e sen balón chegábamos moi tarde a todos os lados”, afirma Chivi García, e non tardou o Sporting B en aproveitala situación. Elena López, no minuto 78, e Lucía Granda, no 85, voltearon o marcador (1-2). O adestrador galego calificou de “xusta” a derrota pois o rival “confiou e quiso gañar o partido mentres o Victoria FC estivo moi descoñecido”.
Con esta derrota, as vermellas sitúanse cuartas no Grupo I da Primeira División Nacional e nesta semana tocará facer traballo extra para cambiar o chip e tratar de conseguir a vitoria no campo do Racing Féminas “B” que ocupa a 11º posición con 12 puntos.
