Atlético Arousana e Dépor B teñen dúas saídas moi complicadas nesta xornada 18 da Primeira División Nacional. As deportivistas visitan o Manuel Díaz Vega o vindeiro domingo ás 12:30 e querrán frear as astures que levan sen perder 12 xorndas, desde o 13 de octubre cando caeu por 2-0 en Abegondo, precisamente ante o filial deportivista. O Arousana visita a casa do segundo clasificado, o CD Monte ás 12:30 nos Campos de San Juan e buscará dar un golpe na mesa nun dos campos máis complicados da categoría.
O Arousana quere dar un golpe na mesa
O Arousana quere aproveitar o traspés do Monte na xornada pasada e seguir furgando na ferida das santanderinas. Para iso, as amarelas viaxan cara terras cántabras coas baixas confirmadas de Coiro por motivo laborais, Irene por lesión e Carla Falcón por acumulación de cartóns. Bárbara Sierra será dúbida ata o último minuto xa que está recuperándose dun proceso gripal.
O adestrador galego do Atlético Arousana, Moncho, é consciente da dificultade que ten o partido pero destaca que o equipo afronta “o partido sabedores que é un rival moi complicado. Estamos moito mellor preparadas que na primeira volta cando sufrimos unha dura derrota. Na primeira volta foi o noso peor partido do ano”.
Moncho, adestrador do Atlético Arousana: “Afrontamos o partido sabedores que é un rival moi complicado. Estamos moito mellor preparadas que na primeira volta cando sufrimos unha dura derrota. Na primeira volta foi o noso peor partido do ano”.
As galega caeron por 0-11 no duelo de ida, pero agora están nun mellor momento e queren quitar a espiña cravada tras a dura derrota cunha vitoria que sería unha inxección de moral para o equipo.
Moncho, adestrador do Atlético Arousana: “Estamos facendo un inicio de segunda volta moito máis competitivo e queremos seguir nesa liña. Calquera resultado positivo que traiamos de Santander servirá para reforzar o traballo que estamos a facer”.
Moncho quere chegar ao parón cun resultado positivo para afrontar os dous partidos seguintes coa moral suficiente: “Tras o parón temos dous partidos seguidos na casa que serán cruciais para o devir do noso futuro na categoría”.
Moncho, adestrador do Atlético Arousana: “Tras o parón temos dous partidos seguidos na casa que serán cruciais para o devir do noso futuro na categoría”.
Repetir o resultado do partido da ida
O Oviedo Moderno B leva sen perder desde o 13 de octubre, un total de 12 xornadas sen coñecer a derrota. Precisamente, foi o equipo de Kevin Cabado, o último verdugo das oventenses, en Abegondo. Desde que as astures caeron por 2-0 na Coruña, no volveron a saborear o amargo da derrota e as herculinas quererán volver a repetir a xesta para manter a terceira posición e meter presión a o Monte e Viajes Interrías.
De gañar o duelo, as galegas sumarían 36 puntos e poríanse a tan só dous puntos das cántabras. Unha posición de luxo de cara ao final desta segunda volta que de seguro será moi competitiva e con moita tensión, tanto pola zona alta como na pelexa por non baixar de categoría.
