Xela Martínez e a Escuela Atlética Lucense suman un novo triunfo ao seu casilleiro. O equipo das lucenses, formado tamén por Sara Guedes, Amparo Corredoira e Claudia Sufuentes, proclamouse campión de España sub16 de campo a través, con Martínez como vencedora da proba.
As galegas lidaradas por una extraordinaria Xela Martínez que lograba o triunfo da carreira do circuito hispalense de Santiponce, non deron opcións as súas riváis grazas ao seu excelente traballo de equipo protagonizado por Sara Guedes (15ª); Amparo Corredoira (39ª) e Claudia Sufuentes (67ª). Con este título confírmase a progresión de toda unha xovencísima xeración de talentosas atletas da Escuela Atlética Lucense, que darán moito que falar nun futuro non moi lonxano.
Na categoría sub18, o Ourense Atletismo foi o club galego máis destacado, rematando na 14ª posición. No caso das sub23, o C.A. Santiago resultou undécimo, e no absoluto o ADAS Proinor foi 23º.
De igual modo, tal e como informan desde a Federación Galega de Atletismo, foron moi destables os primeiros postos no individual logrados tanto polo atleta internacional estradense do Playas de Castellón Medhi el Nabaoui na categoría Sub20, como a do atleta do Real Club Celta Pedro Vázquez Bueno, quen facía o propio na categoría Sub18.
Nesta última categoría Sub18 masculina, os celestes estiveron a piques de subir ao podio do que tan só lle separaría un punto, logrando ao remate a cuarta posición e no que tamén destacaba o sexto posto de Mateo Rodríguez.
A clasificación do resto de equipos galegos quedaba da seguinte maneira:
- Relevo Mixto: Sétimo posto para o Lucus Caixa Rural, 16º para a Sociedad Gimnástica e19º do At.Friol.
- Sub16 F: Primeiro posto para a Escuela Atlética Lucense, 36ª para La Mochila del Deporte e 43º para o Comesaña S.C.
- Sub16 H: A Atlética Lucense FOI 22º, coa AD Fogar un posto por debaixo, na 23º praza, a CD La Purísima 29º e a AVA, 36º.
- Sub18 F: 14º posto para o Ourense At, 16º para a At. Lucense e 37º para a A. Beade.
- Sub18 H: O Celta foi 4º, La Purísima 10º e Atlética Lucense 34º.
- Sub20 M: Os celestes resultaron 18º, o Ourense A. 25º e a SD Compostela 31º.
- Sub23 F: O C.A. Santiago quedou na 11ª praza.
- Sub23 M: Na masculina os composteláns foron 18º.
- Absoluto F: 23ª posición para o ADAS Proinor.
- Absoluto H:_ 17º posto para o ADAS Proinor.
Campionato de España de Marathon máster
De igual modo, cinco atletas acudiron ao Campionato de España de marathon máster que se desenvolvería esta fin de semana na localidade canaria de Maspalomas.
O máis destacado foi a sexta posición do atleta M50 do Fontes do SAR Ramón García cun rexistro de 3h.04:39. Non menos importantes foron os sétimos postos tanto da atleta independente Ana Belén Gómez na F45 con 3h.38:51 como a de Juán Brandón do Fontes do SAR na M55 con 3h.02:56.
O resto da actuación galega completouse co décimo posto de José Luis Rilo do Running Oleiros na M55 con 3h.28:53 e o abandono de Antonio Juanatey do Fonmtes do SAR na M50
