Atletas dos equipos Sub-16 femininos do Atletismo Narón e Atlética A Silva, tomaban parte en Cantabria na final B1 do Campionato de España de clubs no que lograron excelentes resultados tanto no individual como no colectivo.
As Nosas atletas Sub-16 do Atletismo Narón facían un excelente encontro o que lles permitou lograr por equipos a terceira posición con triunfo no individual para Antía Otero en xavelina. A maiores lograron posto de podio Irene Serantes nos 300 m.; Celia Puente en triplo; Carmen Reija en altura; Andrea Díaz nos 3.000 m.; Daniela García en peso; Noa Romero en disco; Arianna Muñoz en martelo e o equipo de relevos dos 4×100.
Pola súa banda, non menos excelente resultou o quinto lugar do equipo de A Silva quen competindo con atletas do Vila de Cangas, tivo as súas mellores actuacións nas mans das irmáns Debris e Demeke Paniagua nos 600 m. e 1000 m. respectivamente; de Eva Formoso nos 3.000 m.; María Estéves nos 1.500 Obstáculos; Alba Eijo en pértega; Nerea Martínez en lonxitude; Alba García en martelo; Lara Liste en xavelina e Icia Ares en 3.000 marcha, segundo informa a Federación Galega de Atletismo.
