Intenso fin de semana para o atletismo galego. Disputouse en pista cuberta o Campionato de Galicia de Probas combinadas e o de Sub 23.
Os focos de atención das probas combinadas estiveron novamente en a atleta do Celta, Eva Queimaño con 3.339 puntos. Revalidou o seu título de campioa galega absoluta da especialidade acadado o ano pasado. Xunto a ela estarían no podio Lucía Sánchez (3.303 p.) e Lucía Seijas da Atlética (2.929 p.).
Cabe destacar que a primeira posición na categoría feminina correspondería a atleta venezola ex-céltica e con ficha galega, Nediam Nori Vargas do Playas de Castellón. Sumou un total de 3.879 puntos. No resto de categorías houbo tamén triunfos para:
- Sub 16. Carlota Salgado do A.F. Celta con 3.027 puntos.
- Sub 20. Lucía Dopico do A.F. Celta con 2.648 puntos.
Xa no Campionato de Galicia Máster producíronse boas actuacións en conxunto, sendo as novas campioas galegas do 2020 os seguintes atletas:
- F 35. Eva Castro do Atletismo Narón con 3.107 puntos.
- F 40. Cristina Estévez do A.F. Celta con 3.012 p.
Numerosas vitorias das atletas Sub 23
Outro dos campionatos galegos foron o Sub 23 na pista cuberta de Expourense. A emocionante foi os 60 metros coa vitoria finalmente para Lucía Ferrer do Gimnástica con 7.92, quen de igual modo repetiría ouro nos 60 valos con 9.37.
Andrea Pais do A.F. Celta colleitaría os bronces tanto nos 60 metros como nos 200, nunha proba esta última gañada por Xiana González da Gimnástica con 25.90. Do mesmo xeito Claudia Torres voltaría cas pratas nas probas de 60 metros con 8.00 e dos 200 con 25.97.
Continuando ca velocidade, campionato galego para Judith Fábregas da atlética Lucense na proba dos 400 m con 1:04.73 ocupando o segundo lugar nos 800 metros con 2:36.30.
A actuación nestes campionatos de Lucía Cardesín. A nova fichaxe do ADAS Proinor sería tamén merecedora dos triunfos tanto nos 800 m. con 2:34.01 como nos 1.500 m. con 5:12.05.
O concurso de lonxitude deixou un título final de Carla Mourelle do Lucus CRG con 4.99 m. empatada a centímetros con Uxía Paz do A.F.Celta (quen repeteiría metal no triplo con 10.92 m.) O bronce sería para Elvira Okutu do Celta con dous centímetros menos.
Nos lanzamentos a internacional Andrea González da Gimnástica, quen tomaba parte en peso, imporíase de maneira doada no concurso ó lanzar ata os 10.77 m.
Actuacións individiaus destacadas tamén as que terían Rosalía Rodríguez prata nos 400 m. con 1:05.34 e nos 800 m. con 2:39.22 e Aida Martínez do Ourense Atletismo ca súa prata nos 3.000 con 11:52.94 e o bronce nos 1.500 m. con 5:17.71.
Podes consultar os resultados completos do Campionato de Galicia sub 23 en pista cuberta na web na Federación Galega de Atletismo, esta é a ligazón.
__________________________________________
Así foi a proba dos 60 metros lisos do Campionato Galego sub 23 de pista cuberta, tal e como se recolle na canle en YouTube da Sociedad Gimnástica de Pontevedra
