A centrocampista do Deportivo ABANCA Athenea del Castillo xa ten no seu poder o premio Fútbol Draft (FD) de Oro 2019-2020 como interior dereita pola súa irrupción en Primeira Iberdrola a pasada tempada.
Unha campaña que, a nivel individual, tamén deixou premios para as ex deportivistas Teresa Abelleira, Misa Rodríguez e Nuria Rábano, actual e respectivamente agora no Real Madrid as dúas primeiras e a Real Sociedad a lateral. As tres ex deportivistas, xunto á atacante cántabra branquiazul foron algunhas das pezas crave da inmellorable estrea de As Nosas na máxima categoría do fútbol nacional.
Fútbol Draft recoñeceu tamén o traballo do Dépor coa canteira
Ademais Athenea del Castillo posou co trofeo Fútbol Draft que recoñece o traballo de canteira realizado polo Deportivo ABANCA.
Na edición 2019/2020 de FD, o FC Barcelona e o Dépor foron os premiados como clubs que máis fomentaron a base. Por primeira vez na historia destes galardóns, o premio foi concedido ex aequo aos dous equipos.
