Athenea del Castillo chegou esta mesma mañá de mércores á Coruña e reincorporouse na tarde aos adestramentos co Dépor ABANCA, que prepara o partido ante o Real Betis deste sábado 19 de xuño ás 11:00 no campo Municipal Felipe do Val.
Ante Dinamarca, onte en Alcorcón, a atacante deportivista Athenea del Castillo saltou ao campo tras o descanso ao substituír a Marta Cardona nun partido que decidiron para as hispanas (3-0) os goles de Aitana Bonmatí (2) e Patri Guijarro.
Pola súa banda, Noelia Bermúdez e Stephannie Blanco teñen previsto aterrar mañá, xoves 17 de xuño, pola mañá no Aeroporto de Alvedro. Ambas as futbolistas adestraranse pola tarde en Abegondo, con tarefas de recuperación despois dunha longa viaxe transoceánico.
Na segunda cita da selección de Costa Rica ante Guatemala, no Complexo Deportivo Fedefútbol Plycem, tanto Noelia Bermúdez como Stephannie Blanco foron titulares e a central deportivista anotou o segundo tanto de Costa Rica aos 32 minutos de xogo na súa folgada vitoria (4-1) ante as guatemaltecas. No transcurso da segunda metade, foron substituídas por Génesis Pérez e Diosa Barreth respectivamente.
