A ariete deportivista Athenea del Castillo comparecía sorrinte ante os medios logo da vitoria das galegas 3-0 ante o Rayo Vallecano. A cántabra, autora de dous dos goles da xornada do Deportivo ABANCA amosábase esperanzada, segura e aseverou sen dúbidas: “ímolo conseguir”
Pese ao resultado final, para a deportivista “ten sido un partido complicado no que o equipo saíu desde o minuto uno a polos tres puntos, que era o que tiñamos que facer, o noso obxectivo principal. Eu penso que na nosa casa tense que notar que isto é Abegondo. A xente aprieta, nosoutras apretamos… ao fin e ao cabo, a partir de aí sacamos os tres puntos que tanto necesitabamos”.
A futbolista do conxunto branquiazul tamén salientaba a mellora física do equipo, algo que quedou de manifesto durante o partido ante o Rayo Vallecano e que, claramente, redunda na anticipación ás accións das rivais por parte das deportivistas. Tal e como quedou de manifesto neste partido en Abegondo, eso aporta maior perigosidade ás accións das herculinas.
A dianteira deportivista, autora de dous goles ante o Rayo, cre que foi o partido máis completo da tempada: “Para min foi o máis completo, pero eu tento axudar ao equipo en todo o que poida. Tiven a sorte de poder axudar con goles e participar máis que noutros partidos. Quedo co tres puntos e as boas sensacións para os partidos que veñen”.
“O equipo estivo moi intenso”, afirma Athenea
Comentaba Athenea del Castillo que en conxunto, o Dépor ABANCA mellorou “fisicamente. Nótase. O equipo aperta. Tiñamos moi claro o que tiñamos que facer tanto cando tiñamos balón como cando non o tiñamos. Notouse. O equipo estivo moi intenso, desde a bancada #ANOSAFORZA tamén aperta e fainos motivarnos un chisco máis se se pode para conseguir ese obxectivo que é a salvación. Todas xuntas, remando na mesma dirección, ímolo a conseguir”.
A futbolista do Deportivo ABANCA de cara ao seguinte cruce na Liga Iberdrola queda “coas boas sensacións que tivemos hoxe. O equipo vai loitar polo tres puntos en Logroño, como cada fin de semana. É un partido complicado. Oxalá podamos traernos o tres puntos para A Coruña e que o obxectivo se cumpra canto antes”.
Sobre o feito de ter anotado dous goles, a ariete trasladaba aos medios a súa satisfacción pero non deixaba de pensar no grupo: “A todo o mundo lle gusta meter goles, se é por partida dobre, aínda mellor. Pero eu axudo ao equipo con goles asistencias e o que faga falta. Con que o resultado sexa favorable e sumemos máis tres, iso xa abonda para min”.
Ademais do triunfo, subliña Athenea del Castillo que con este marcador supera o golaverage particular coas rayistas (3-1 en Madrid por 3-0 en Abegondo): “É moi importante gañar o golaverage a un rival que pode ser directo na salvación. Pero tentaremos salvarnos antes diso, buscamos conseguir máis tres todos os fins de semana e dar unha alegría ao deportivismo”.
