As baixas por lesión de Lucía García (Athletic Club) e Nahikari García (Real Sociedad) permiten entrar na convocatoria de Jorge Vilda ás futbolistas Athenea del Castillo (RC Deportivo) e Amaiur Sarriegi (Real Sociedad). Previamente, Jenni Hermoso tamén foi baixa sendo substituída por Claudia Pina. Na lista orixinal do seleccionador non había ningunha galega nin futbolistas de equipos galegos.
🔴 OFICIAL I @Luciadelapola17 y @Nahikari_Garcia causan baja para los próximos compromisos de la @SeFutbolFem
➡️ En su lugar, entran en la convocatoria @atheeneeaa_10 y @amaiursarriegi
🔗 https://t.co/oz5CdDnv1D#JugarLucharYGanar pic.twitter.com/getHhaPzM0
— Selección Española Femenina de Fútbol (@SeFutbolFem) June 4, 2021
A xogadora do Deportivo ABANCA, Athenea del Castillo, foi citada para os dous partidos amigables da Selección Española feminina absoluta aproveitando data FIFA deste mes de xuño.
O combinado nacional feminino, que adestra Jorge Vilda, medirase a Bélxica o xoves 10 de xuño (20:00 horas) e a Dinamarca o martes 15 (19:30) no Municipal de Santo Domingo (Alcorcón).
O debú de Athenea del Castillo coa absoluta foi no Estadio da Cartuja
A centrocampista branquiazul, que recibiu en marzo o premio Fútbol Draft de Ouro 2019-2020 como interior dereita pola súa irrupción en Primeira Iberdrola a pasada tempada, fixo historia o pasado 23 de outubro de 2020. No Estadio da Cartuja de Sevilla, Athenea del Castillo foi a primeira xogadora do Deportivo ABANCA en debutar na Selección Española feminina absoluta, e con tan só 19 anos.
Corría o minuto 87 do encontro clasificatorio para a Eurocopa entre España e a República Checa. O partido estaba sentenciado (4-0) a favor das españolas. O seleccionador Jorge Vilda ordenou saltar ao campo a Athenea del Castillo en substitución da futbolista azulgrana Mariona Caldentey.
Oito meses despois, e entremedias cun paso efémero pola selección sub-20 para uns adestramentos, a deportivista cántabra regresa ao equipo nacional absoluto. As súas boas actuacións co Dépor ABANCA teñen premio.
| Club | Jugador |
|---|---|
| CLUB ATLÉTICO DE MADRID | Laia Aleixandri |
| DEPORTIVO ABANCA | Athenea del Castillo |
| FC BARCELONA | Alexia Putellas Andrea Pereira Mariona Caldentey María León Aitana Bonmatí Patri Guijarro Leila Ouahabi Sandra Paños |
| LEVANTE UD | Esther González Alba Redondo |
| MANCHESTER UNITED | Ona Batlle |
| OLYMPIQUE LYONNAIS | Lola Gallardo |
| PSG | Irene Paredes |
| REAL MADRID CF | Ivana Andrés Marta Cardona Misa Rodríguez Olga Carmona Maite Oroz |
| REAL SOCIEDAD | Amaiur Sarriegi Nerea Eizagirre |
| REAL BETIS B. | Rosa Márquez |
| VALENCIA FÉMINAS CF | Anna Torrodà |
| SEVILLA FC | Claudia Pina |
