A Secretaría Xeral para o Deporte da Xunta de Galicia continua recompilando apoios para a candidatura da padexeira galega Teresa Portela para o Premio Princesa de Asturias dos Deportes 2022.
Dende o pasado 11 de febreiro, o portal web da Xunta de Galicia ofrece un espazo para rexistrar os apoios populares á devandita candidatura.
Cómpre lembrar que o prazo de presentación dos apoios pecharase o vindeiro 23 de marzo, polo que a candidatura entra na súa recta final.
A deportista galega Teresa Portela converteuse nos Xogos Olímpicos de Toquio 2021 na muller española con maior número de participacións olímpicas cun total de 6 e xa traballa para que en París 2024 sexan 7. O seu palmarés fala por si mesmo: 15 medallas mundiais, 17 europeas e unha prata olímpica.
Súmate e apoia a Teresa Portela como candidata ao Princesa de Asturias aquí
