O adestrador da Selección Española feminina de balonmán, Carlos Viver, deu unhas pequenas pinceladas do que vai ser a preparación para os Xogos Olímpicos de Toquio 2021 das Guerreras.
Segundo recollía a Real Federación Española de Balonmán, o técnico español explicaba que: “a idea que temos é levar a cabo unha ou dúas semanas de traballo en altura, disputar algún amigable contra algún dos equipos clasificados para Toquio”.
Por último, xa máis preto da celebración dos Xogos Olímpicos (XX.OO.), Carlos Viver e o seu equipo, no que está o técnico do Atlético Guardés, José Ignacio Prades, é: “no tramo final xa máis próximo aos Xogos Olímpicos tratar de adaptarnos ás condicións climáticas que nos atoparemos en Toquio en agosto, un clima máis húmido e caloroso”.
O adestrador da Selección Absoluta feminina de balonmán de España, Carlos Viver ten previsto un traballo de preparación específico para que, na recta final cara aos Xogos Olímpicos 2021, as Guerreras se adapten “ás condicións que nos atoparemos en Toquio en agosto, un clima máis húmido e caloroso”
Este mes, dous amigables para as Guerreras contra Dinamarca
Nese camiño de preparación para afrontar os Xogos Olímpicos de Toquio 2021 na mellor das formas posibles, a Selección Española de balonmán ten prevista unha convocatoria este mesmo mes.
As Guerreras van disputar dous compromisos amigables ante a Selección de Dinamarca que terán lugar os días 15 e 17 de abril. Ambos os dous encontros terán lugar no Frederiksborg Centre de Hillerød.
Para esta cita están convocadas Alicia Fernández, Paula Arcos e José Ignacio Prades, que será o segundo de Viver.
Carlos Viver segue a confiar en Alicia Fernández nas Guerreras
