Marzo comezou en Pontevedra co CGTD convertido en escenario para dous campionatos galegos, os Campionatos de Galicia de Lanzamentos Longos e os de medio fondo e fondo sub16 e sub18, organizados pola Federación Galega de Atletismo.
Nesta xornada de fin de semana a participación das atletas galegas destacou polas boas marcas e a intensidade na competición.
Estes foron os resultados no Campionato de medio fondo e fondo
Nos 600m. sub16 Celia Castro, do Mazí, destacou con excelentes resultados na categoría feminina cun tamén salientable crono de 1:40.09.
Os 1.000 m. depararon un dos momentos do campionato xa que novamente Xela Martínez, da Atlética Lucense, lograba un rexistro oficial de 2:49.31. Con esta marca, a atleta logra en Pontevedra un novo récord galego Sub16 mellorando a anterior plusmarca lograda por ela mesma fai unhas datas en Lugo.
Ver esta publicación en Instagram
Nos 3.000 m. o título galego en categoría feminina foi para Sara Guedes, da Atlética Lucense, baixando amplamente dos once minutos con 10:53.7.
Na categoría Sub18 e sobre os 400 m. o ouro foi para Inés Vázquez, do C.A. Sada, con 1:01.10. Boa marca tamén a obtida por Degnesh Mato, do C.A. Santiago, con 2:20.14 sobre os 800 m.
Na proba raiña do medio fondo disputada en Pontevedra, os 1.500 m., intensa carreira a que Carolina Santos, do Ría Ferrol, protagonizaría impoñéndose con 4:59.07 a Marcela Morgado, do Trega, con 4:59.16.
Po último nos 3.000 m. Ainhoa Gontán, do Compostela Atletismo, proclamábse campioa da proba con 11:03.27.
Tamén participou Susana Rodríguez, do AF Celta.
Susana Rodríguez Gacio acada a mínima para correr os 1.500 T11 dos Xogos Paralímpicos de Tokio
Así quedaron as atletas no Campionato de Lanzamentos Longos
Xa na zona de lanzamentos correspondente ás instalacións do CGTD de Pontevedra, o título de campioa correspondía á Sub20 Victoria Eiríz, da Atlética Lucense, con 38.01 m.
No martelo a Sub18 Marta Neira, do AVA, que recentemente se proclamaba campioa de España de lanzamentos de menores de inverno, lograba o título galego con 51.18 m.
A xavelina, un dos pratos da xornada en Pontevedra, non deparou sorpresas. Na categoría femenina campionato para a subcampioa de España de aire libre do ano pasado de Carmen Sánchez, do Unicaja Jaén, con 49.55 m.
Consulta todos os resultados nesta ligazón.
III Control de inverno en pista
Nesta xornada tamén se celebrou o III Control FGA de inverno, na mesma pista pontevedresa. Nesta proba ao aire libre participaron un gran número de atletas da categoría base do deporte galego.
Consulta nesta ligazón o listado completo de resultados desde as categorías sub10 ás sub16 e o Absoluto de Peso en 4 quilogramos.
