O camiño cara o Mundial de FutSalFem 2025 desenvolveuse entre outubro de 2024 e marzo de 2025, nunha clasificación dividida en dúas fases: a rolda principa e a rolda élite. Cada etapa disputouse en minitorneos con sede única, onde as seleccións se tiñan que xogar a vida en poucos partidos para seguir avanzando.
Ver esta publicación en Instagram
Os 23 combinados participantes, a excepción das dúas cabezas de serie, Portugal e España; iniciaron a competición na rolda principal, celebrada en outubro de 2024. Pola súa banda, Portugal e España incorporáronse directamente á rolda élite, á que accederon tamén seis equipos clasificados na fase anterior.
Tras superar a rolda principal e a rolda élite, España (vixente campioa de Europa) Portugal, Italia e Polonia, serán as seleccións encargadas de representar á UEFA na cita mundialista organizada pola FIFA. Todas elas aseguraron unha das 16 prazas dispoñibles para a fase final do Mundial futsalfem, que se celebrará en Filipinas entre o 21 de novembro e o 7 de decembro.
Ver esta publicación en Instagram
As 16 seleccións que disputarán o campionato do Mundo de futsal son as seguintes:
- GRUPO A: Filipinas, Polonia, Marrocos e Arxentina
- GRUPO B: España, Tailandia, Colombia e Canadá
- GRUPO C: Portugal, Tanzania, Xapón e Nova Celandia
- GRUPO D: Brasil, IR Irán, Italia e Panamá
Ver esta publicación en Instagram
O partido que abrirá a competición celebrarase o venres 21 de novembro ás 18:00 h, e enfrontará as seleccións de Marrocos e Arxentina. Ese mesmo día mediránse Filipinas e Polonia ás 20:30 h.
Non será ata o sábado 22, cando debutará a Selección Española contra o combinado tailandés, ás 19:30 h (hora peninsular), despois do encontro Colombia-Canadá, que se disputará ás 17:00 h.
Os cuartos de final do Mundial de futsalfem comezarán o luns, 1 de decembro.
No partido 25, programado para as 18:00 h, enfrontaranse o gañador do Grupo A e o segundo clasificado do Grupo B.
A continuación, ás 20:30 h do mesmo día (partido 26), disputarase o encontro entre o gañador do Grupo B e o segundo do Grupo A.
A xornada seguinte, o martes, 2 de decembro, abrirase co partido 27, ás 18:00 h, onde se medirán o gañador do Grupo C e o segundo do Grupo D. Pechando esta fase, ás 20:30 h (partido 28), terá lugar o duelo entre o gañador do Grupo D e o segundo do Grupo C.
As semifinais do Mundial futsalfem disputaranse o venres 5 de decembro.
O primeiro encontro será ás 18:00 h, e enfrontará o gañador do partido 25 co gañador do partido 27.
No partido 30, programado para as 20:30 h, mediránse o gañador do partido 26 e o gañador do partido 28.
A loita pola terceira plaza darase o domingo 7 de decembro ás 17:00 horas.
O 7 de decembro celebrarase a final do Mundial
A final do Mundial de Fútbol Sala 2025 celebrarase o domingo, 7 de decembro, ás 19:30 horas, no PhilSports Arena, na cidade de Pasig (Manila).
- Consultar calendario de partidos da Copa Mundial Femenina de Futsal da FIFA
- Consulta os equipos participantes no torneo Acceso á canle oficial de venda de entradas da FIFA
Ver esta publicación en Instagram
O primeiro Mundial de Fútbol Sala feminino da historia contará con representación galega
