Un adestramento en Abegondo puxo esta onte (sábado 31 de xullo) o punto e final a unha frenética primeira semana de pretemporada para un Dépor ABANCA de estrea e que, ademais de mudar moitas das facianas das futbolistas que conforman o bloque branquiazul, tamén experimentou un cambio no corpo técnico coa marcha do adestrador Manu Sánchez e a chegada de Miguel Llorente.
Hoxe, domingo 1 de agosto, será xornada de descanso para o plantel branquiazul. O equipo branquiezul retoma o traballo o luns 2 de agosto ás 10:30 na Cidade Deportiva de Abegondo.
As probas médicas do Dépor ABANCA incluiron test da COVID-19
O pasado martes, o renovado bloque coruñés someteuse a probas médicas no Centro Quirón Salud de ABANCA-RIAZOR. Nestas probas, habituais cada verán ( electrocardiograma, analítica…), uníronse nesta ocasión as correspondentes ao COVID-19.
O mércores, o equipo presentouse en Abegondo nun acto privado ao que asistiu o presidente do Club, Antonio Couceiro. A continuación, o Dépor ABANCA adestrouse por primeira vez no céspede da Cidade Deportiva de Abegondo, xa ás ordes de Miguel Llorente e o seu novo corpo técnico.
Finalmente o pasado xoves, o protagonismo foi para os medios de comunicación antes de arrincar o traballo diario no campo 5. Ás 17:00, no campo principal, houbo foto de familia de todo o equipo, das novas incorporacións posteriormente e, para concluír, do corpo técnico encabezado por Miguel Llorente.
O Dépor ABANCA ten xa confirmada a súa primeira cita de pretemporada, con motivo da IX Edición do Trofeo Teresa Herrera. Será o domingo 8 de agosto ás 17:30 en ABANCA-RIAZOR co Valadares Gaia FC portugués de rival. O encontro vai ser ofrecido en directo pola canle de YouTube del RCD.
