O BM Saeplast Cañiza fixo historia e logrou o ascenso á División de Honra Prata Feminina de balonmán, nun emocionante e axustado partido ante o Unión Financiera Balonmano Base Oviedo (24-23). Foi na segunda xornada, xa que o empate do partido xogado con anterioridade, converteu este nunha final adiantada.
No transcurso desta fase de ascenso á División de Honra Prata Feminina Grupo A, as galegas da Cañiza impuxeron o seu xogo ao conxunto lanzaroteño do Puerto del Carmen, ao que se impuxeron por un marcador de 36-14, así como ao Deporcyl BM Fuentes Carrionas diante do que venceron por un marcador de 34-32.
O partido definitivo, o xogado coa Unión Financiera Balonmano Base Oviedo, vencérono pola mínima 24-23. Pero ese gol abondou para facer das galegas xogadoras da División de Honra Prata Feminina no curso 2021-22.
Saeplast BM Cañiza, equipo de División de Honra Prata Feminina!!!
Noraboa!!!! Tremendamente orgullos@s de vós!!!
Fotos: Anxo Gutiérrez#SomosGalicia #SomosBalonmán pic.twitter.com/v2NL6l3sHC
— Federación Galega Balonmán (@fgabalonman) June 5, 2021
Había unha enorme diferenza de envergadura e idades entre ambos os conxuntos. As asturianas, altísimas e con grandes veteranas, fronte a un equipo case xuvenil, pero cheo de valentía e entusiasmo.
Desde o primeiro minuto foi un partido tremendamente traballado, intenso, cunha Pamela espectacular en portería, que parecía por momentos infranqueable. aínda que na outra meta a porteira asturiana tamén estivo a un gran nivel.
Así, con tanto protagonismo na portería, houbo poucos goles e alcanzouse o descanso cun 10:10, que reflectía a enorme igualdade que había sobre a pista.
O Cañiza sempre por diante pero emoción até o instante final
A segunda metade foi diferente. Aínda que con diferenzas curtas, o BM Saeplast Cañiza sempre foi por diante. As locais, empuxadas pola bancada e dirixidas por Carla Abad, lograban distancias curtas de dúas ou tres goles, pero o rival reaccionaba e volvía a axustar as forzas, tal e como informaba na súa crónica a Federación Galega de Balonmán.
Así, houbo emoción ata o final. Ata que Sara Carril logrou ese último gol, co equipo en inferioridade numérica, que garantía case o triunfo e o ascenso de categoría.
Vinte segundos máis, e celebración por todo o alto no Polvorín. O BM Saeplast Cañiza é equipo de División de Honra Prata Feminina.
Se vos ocurre unha mellor forma de comezar o domingo que con máis fotografías da celebración do ascenso do Saeplast Cañiza á División de Honra Prata Feminina? A nós, non!! Así que imos con elas!!
Fotos: Patry Rivas pic.twitter.com/za3QWLNfss
— Federación Galega Balonmán (@fgabalonman) June 6, 2021
Revive o ascenso do Balonmán Seaplast Cañiza, dálle ao play!
FICHA TÉCNICA
24) BALONMÁN SAEPLAST CAÑIZA: Alexia, Sara Carril (1), Ana Rodríguez, Begoña (2), Carla Abad (5), Iria Gómez, Alba Afonso (5), María Montero (4), Alejandra Carballo (4), Ana Orge, Sofía Álvarez, Lucía Afonso (3), Olalla, Emma, Laura Noemí e Pamela (P.S.)
23) UNIÓN FINANCIERA: Carmen Hevia, Camila (7), Sara Fernández, Jara Canteli (1), Eva Pilar, Elena, Fani Monros (6), Candela Cuesta (1), Marta Ruíz (2), Alba Lafuente, Nuria Fernández, Rocío Garrido (4) e Belén Álvarez (2).
ÁRBITROS: Álvaro López e Roberto Argiz. Excluíron dous minutos a Sara Carril (2), Begoña, Carla Abad, Sofía Álvarez, Lucía Afonso, Olalla (2), polo Cañiza e ás visitantes Sara Fernández, Jara Canteli e Rocío Garrido (2).
MARCADORES CADA CINCO MINUTOS: 2-1, 4-2, 4-5, 6-7, 8-8, 10-10 (descanso), 11-10, 13-11, 15-14, 19-16, 22-20, 24-23.
INCIDENCIAS: Segundo partido da fase de ascenso a División de Honra Prata Feminina, disputado no Pavillón Municipal de A Cañiza, cun magnífico ambiente nas gradas.
FASE DE ASCENSO A DIVISIÓN DE HONRA PRATA FEMININA Grupo A
Partidazo e victoria importantísima para o @balonmancaniza. As locais foron moi superiores a Puerto del Carmen e encaran o resto da fase cheas de confianza nas súas forzas@balonmancaniza 36: 17 PUERTO DEL CARMEN pic.twitter.com/G0pwzme532— Federación Galega Balonmán (@fgabalonman) June 4, 2021
FIN DE FESTA NA CAÑIZA!
As rapazas do Saeplast Cañiza pecharon a fase de forma impecable, cun novo triunfo a pesar de que xa non había nada en xogo. As galegas querían facer a fase perfecta e o lograron!!!
BM SAEPLAST CAÑIZA 34:32 DEPORCYL BM FUENTES CARRIONAS#SomosGalicia pic.twitter.com/LG0K47ewNJ— Federación Galega Balonmán (@fgabalonman) June 6, 2021
