O HC Borbolla controlou o partido desde o comezo. Dous goles anotados polas irmás Yáñez encarrilaron o partido xa nos primeiros minutos. O 0-1 foi obra de Lucía e menos dun minuto despois Lara asinaba o 0-2, para as escuadra galega. O terceiro tamén quedou na familia sendo a autora, nesta ocasión, Lara Yáñez.
Miriam Irurzun abriu a lata para a Unión Cultural y Deportiva Rochapea colocando no electrónico o 1-3. Non pasaría un minuto desde ese tanto cando a súa compañeira Saioa Larrainzar facía o 2-3 e achegaba perigosamente ás locais cara á igualada.
No descanso, con tempo para reflexionar, Santi Martínez debeu axustar o necesario no xogo das tomatitas que no arranque da segunda metade volveron anotar, nesta ocasión por medio de Antía Rivadas (2-4).
Con cinco minutos consumidos do segundo período viu cartón azul Iruña Lasaosa e o HC Borbolla contou cun lanzamento de falta directa que Alba Díaz non conseguíu transformar.
A xogada seguiu e, finalmente, acabou en gol para as galegas a través dun disparo de Lara Yáñez (2-5). A partir de aí o conxunto coruñés centrouse en defender un resultado que lle viña ben para as súas aspiracións e aplicouse en defensa optando como principal ferramenta de ataque cos contragolpes.
Con tres segundos para o bucinazo final, Marta Vilas facía a media dúcia para o HC Borbolla (2-6). Deste xeito, as xogadoras que adestra Mikel Iglesias cederon os tres puntos en xogo ás que prepara Santi Martínez. Un resultado que aupa ao HC Borbolla ao liderato con nove puntos, seguido de CP Alcorcón e HC Deportivo Liceo con sete puntos. As tomatitas están invictas con tres partidos ganados de tres disputados 21 goles a favor e so 3 en contra.
CP Alcorcón seguinte rival do HC Borbolla, un duelo por todo o alto
A vindeira xornada da Ok Liga Prata feminina ten previstos os seguintes cruces:
- Sábado 10/04/2021 19:00 h Deportivo Liceo vs UDC Rochapea
- Domingo 11/04/2021 12:30 h HC Borbolla vs CP Alcorcón
- Domingo 11/04/2021 16:00 h CP Las Rozas vs CPP Raspeitg
FICHA TÉCNICA
UDC ROCHAPEA: Garazi Leranoz Delgado, Iruña Lasaosa Rivas, Saioa Larrainzar Maisterra, Miriam Irurzun Flamarique e Irune Santesteban Macaya – quinteto inicial -. Tamén xogaron: Ainara Errea Maestre. Ainara Casado Sánchez (P.S.) (C).
HC BORBOLLA: Edén Avecilla, Marta Vilas Martínez, Antía Rivadas, Lucía Yáñez e Lara Yáñez – quinteto inicial – Tamén xogaron: Alba Díaz (C), Florenzi de Girolamo Ordóñez e Lucía Castro. Valentina de Girolamo (P.S.)
GOLES: 0-1 Lucía Yáñez. 0-2 Lara Yáñez. 0-2 Lara Yáñez. 1-3 Miriam Irurzun. 2-3 Saioa Larrainzar. 2-4: Antía Rivadas. 2-5: Lara Yáñez. 2-6 Marta Vilas
ÁRBITROS: Íñigo Maestro Sastre e Rebeca Pérez Sanz. Cronometrador, José Morillo Roncero. Amosaron cartón azul polas locais a Iruña Lasaosa Rivas.
INCIDENCIAS: Partido correspondente á quinta xornada da Ok Liga Prata feminina da FEP disputado no pavillón da Unión Deportiva y Cultural Rochapea en Pamplona Iruña.
