As Seleccións Galegas Sub 15 e Sub 17 Femininas xa están en territorio alacantino despois dunha longa viaxe por estrada. A expedición galega adestrou onte no campo do Milladoiro e despois da cea puxo rumbo a Elche, lugar onde estableceu o seu cuartel xeral de cara a esta segunda fase do Campionato de España de Seleccións Autonómicas. Os partidos pódense ver en streaming.
As nosas realizaron onte na tarde en Elche a última sesión de adestramento previa ao debut de hoxe ante Murcia no Estadio Municipal Nuevo Pepico Amat de Elda e os elencos preparados tanto por Vicky Vázquez (Sub 15) como por Quin Valbuena (Sub 17) xa activaron a conta atrás. Coa ilusión por bandeira Galicia soña con certificar senllos billetes para a Fase Final, según informa a Federación Galega de Fútbol.
Despois da disputa da primeira fase en Lezama (Bilbao) o pasado mes de decembro, as nosas afrontan esta segunda fase da cita nacional con optimismo. Con todo, as opcións de clasificación para a fase final tanto da Sub 15 como da Sub 17 pasan por gañar os dous partidos e agardar resultados favorables.
Así foi o camiño previo das Sub 15 e Sub 17
O elenco Sub 15 regresou de Bilbao con 3 puntos de 6 posibles tras a súa derrota no primeiro encontro ante Cataluña (1-0) e a vitoria ante Aragón (4-0). Este último resultado permite que Galicia poida seguir soñando con clasificarse para a fase final.
A Sub 17 teno máis complicado a pesar de sumar 3 puntos de 6 posibles na primeira fase. A pesar da dificultade da empresa, as de Quin Valbuena apurarán as súas opcións matemáticas ata o final e acudirán a Valencia co único obxectivo de pelexar para gañar os dous enfrontamentos.
🏆 Campionato de España Sub 15 e Sub 17 Feminino
🎥 Falan na previa ao debut ante @ffrm_es nesta segunda fase o seleccionador da Selección Galega Sub 17, Quin Valbuena, e a xogadora Elena Pérez#sentindoGalicia 💙 pic.twitter.com/W8UVNELjXO
— RFGF (@futgal) February 14, 2020
O cadro dos emparellamentos desta segunda fase do Campionato de España Sub 15 e Sub 17 de Seleccións Autonómicas é o seguinte:
14/02/20 SUB 15 10:30 MURCIA – VALENCIA (1-0)
14/02/20 SUB 17 12:30 MURCIA – VALENCIA (1-1)
15/02/20 SUB 15 10:30 GALICIA – MURCIA
15/02/20 SUB 17 12:30 GALICIA – MURCIA
16/02/20 SUB 15 10:30 VALENCIA – GALICIA
16/02/20 SUB 17 12:30 VALENCIA – GALICIA
🏆 Campionato de España Sub 15 e Sub 17 Feminino
🎥 Falan na previa ao debut ante @ffrm_es nesta segunda fase a seleccionadora da Selección Galega Sub 15, @Vicky_vk4, e a xogadora Marta Rico#sentindoGalicia 💙 pic.twitter.com/HrQDN0GMSD
— RFGF (@futgal) February 14, 2020
Todos os encontros desta segunda fase do Campionato de España Sub 15 e Sub 17 de Seleccións Autonómicas poderanse seguir en directo vía streaming nestas ligazóns.
