- Durante tres xornadas os combinados de Galicia masculino e feminino xogarán media ducia de partidos a xeito de concentración para preparar o seu concurso nos Worlds Games de 2026
As seleccións galegas marchan xogar a Irlanda da man da Asociación Galega de Fútbol Gaélico (AGFG) coa finalidade de levar a cabo unha concentración de preparación de cara aos Worlds Games de 2026.
Durante tres días os equipos de Galicia masculino e feminino de fútbol gaélico xogarán en terras irlandesas medindo forzas contra conxuntos como como o St Brigids, o St. Pats Donabate, o St Sylvesters e mailo Kilmacud Crokes. Esta serie de encontros, seis en total, son o ‘Camiño Celta’ dos combinados galegos para preparar os Worlds Games 2026.
Os seleccionadores galegos masculinos, Alexandre Sanmartín e David de la Torre, citaron a 23 futbolistas que pertencen a nove clubs: Estrela Vermelha, Turonia, Lorchos, St. Peregrine’s, O Pino, Fillos de Breogán, Keltoi, O Forte Boqueixón e Paris Gaels. Todos eles defenderán a elástica de Galicia GAA. Entre deles está Samuel Lagoa, futbolista de Cee que agora xoga en Irlanda no St. Peregrine’s. Na súa etapa practicando o fútbol gaélico en Galicia militou no Estrela Vermelha.
O mesmo número de xogadoras (23) foron as que citaron na súa convocatoria os seleccionadores da Selección Galega feminina, Pablo da Silva e Juan Luis Fernández. As futbolistas do conxunto do Galicia LFGA chegan de sete clubs. Neste caso do Auriense, Estrela Vermelha, Lavandeiras, Turonia, Grovias, Fillas de Breogán e Kilmacud Crokes. Tamén na convocatoria feminina hai unha deportista que reside agora en Irlanda e que milita no Kilmacud Crokes. Trátase da pontevedresa Carmen Reboreda que en Galicia xogou no Pontevedra, no Keltoi e no Independiente.
É tamén significativa a presenza nesta convocatoria de catro rapaces de 15 anos que xogaron o Europeo (Fèile) e que militan no Pino (Martín Giao) e no O Forte Boqueixón (Simón Rouco, Iker Rodríguez e Daniel Cereijo, este último o nomeado MVP do Fèile). Tamén no equipo feminino están Uxía Otero e Emma Rojas futbolistas de categorías inferiores, pero que xa compiten co primeiro equipo no club Estrella Vermelha. Estas incorporacións ás seleccións galegas de deportistas da base dan conta, unha vez máis, de que o traballo feito coa canteira a través das Gaélico Escolas PuntoGal dá froitos e permite contar con remuda xeracional no fútbol gaélico galego.
Os horarios dos partidos que xogarán as seleccións galegas son os seguintes (hora irlandesa):
Xoves 17 de xullo:
- 19.30 horas Galicia GAA vs St Brigids
- 19.30 horas Galicia LFGA vs St Brigids
Venres 18 de xullo:
- 19.00 horas Galicia GAA vs St. Pats Donabate
- 19.00 horas Galicia LFGA vs St. Pats Donabate
Sabado 19 de xullo:
- 13.00 horas Galicia GAA vs St Sylvesters
- 15.00 horas Galicia LFGA vs Kilmacud Crokes
Convocataria Selección Galicia Masculina:
- Mateo Fernandez – Estrela Vermelha
- Gabor Pazos – Estrela Vermelha
- Noé Asensio – Turonia
- Adrián Rey – Estrela Vermelha
- David Chaves – Lorchos
- Daniel García – Paris Gaels
- Miguel García – Turonia
- Pablo Bermejo – Keltoi
- Víctor Santos – Fillos de Breogán
- Iker Rodríguez – O Forte Boqueixón
- Ismael Méndez – Turonia
- Santiago Rodríguez – Keltoi
- Simón Rouco – O Forte Boqueixon
- Adriano Quiroga – Estrela Vermelha
- Brais Garcia – Keltoi
- Pablo Mascareñas – Estrela Vermelha
- Daniel Cereijo – O Forte Boqueixón
- Adrián Ambrosio – Keltoi
- Iago Couso – Estrela Vermelha
- Daniel Santalla – Fillos de Breogán
- Martín Giao – O Pino
- Rodrigo Mira – Estrela Vermelha
- Samuel Lagoa – St. Peregrine’s
Adestradores
- Alexandre Sanmartín – Lugh CAG
- David de La Torre – Estrela
Convocataria Selección Galega Feminina
- Alba Rodríguez Fernández – Auriense
- Victoria Estevez Álvarez – Auriense
- Laura – Nercellas García – Estrela Vermelha
- María Lourdes – Rey Cascallar – Estrela Vermelha
- Antía Iglesias Iglesias – Lavandeiras
- Tamara Mulaosmanovic – Estrela Vermelha
- Silvia Rita Álvarez Álvarez – Turonia
- Laura Gutiérrez Vara – Estrela Vermelha
- Loreto Alonso Fernández – Grovias
- Vanesa Puente Gil – Fillas de Breogán
- Leticia Zapata Medina – Fillas de Breogán
- Emma Rojas Amosa – Estrela Vermelha
- María Silveira Loureiro – Estrela Vermelha
- Iria Quiroga López – Fillas de Breogán
- Aldara Montero Pardavila – Fillas de Breogán
- Alexandra Figueroa Vázquez – Turonia
- Antonella Larrascaq Alvarez – Turonia
- Uxía Otero Fernández – Estrela Vermelha
- Sara López Pita – Fillas de Breogán
- Iria Labandeira Belda – Auriense
- Ánxela María Estévez Salguero – Estrela Vermelha
- Jenny González Álvarez – Fillas de Breogán
- Carme Reboreda – Kilmacud Crokes
Adestradores
- Pablo da Silva – Estrela
- Juan Luis Fernández – Turonia
Que é a AGFG?
A Asociación Galega de Fútbol Gaélico (AGFG) é o organismo regulador oficial do fútbol gaélico en Galicia, dende a súa aprobación oficial na convención Europea dos deportes gaélicos en decembro de 2013, o cal garántelle de carácter oficial internacional recoñecido polo máximo órgano, a Gaelic Athletic Asociation (GAA).
Boa parte das actividades da AGFG intégranse dentro da RFGF (Real Federación Galega de Fútbol).
PuntoGal é un dos patrocinadores da AGFG que ademais emprega na súa web o dominio www.gaelicogalego.gal.
