O sábado 26 de marzo, As Pontes organiza un seminario de defensa feminina con Madó González, Jose Rodríguez e María Jesús Castro impartindo a formación.
O curso levarase a cabo no IES Plurilingüe Castro da Uz desde as 10:00 horas. Alí, as mulleres participantes poderán aprender técnicas de autodefensa e protocolos de actuación no ámbito da defensa persoal, ensaiando estratexias e técnicas para defenderse ante unha posible situación de perigo, rompendo cos mecanismo que bloquean a imposibilitan a reacción.
A formación é de balde. Aquelas mulleres interesadas en apuntarse poderán facelo cubrindo o formulario de inscrición e enviándolo a comunicacion@aspontes.org, presentándoo no Rexistro Municipal de luns a venres, de 09:30 a 14:00 horas. Tamén pódese chamar ao 981 10 92 10.
Especialistas en defensa
Segundo informan desde As Pontes, as participantes contarán con tres especialistas en distintos aspectos da defensa.
Madó González, doutora en Psicoloxía, ensinará ás mulleres participantes neste seminario a xestionar o medo, abordando cuestións como a definición do medo e a súa orixe, o tipo de medos que existen e ofrecéndolles ferramentas para afrontar e controlas o medo.
A psicóloga e atleta da Mochila del Deporte, forma parte ademais da Comisión Intersectorial de Psicoloxía e Deporte do Colexio Oficial de Psicoloxía de Galicia; membro da Xunta Directiva da División de Psicoloxía da Actividade Física e o Deporte do Consello Xeral de Psicoloxía.
Tamén estará en As Pontes María Jesús Castro, especialista en Medicina Familiar e Comunitaria achegará ás participantes aos primeiros auxilios, ofrecéndolles os coñecementos máis básicos para poder proporcionar unha asistencia eficaz ás persoas que se atopen nunha situación de emerxencia.
Pola súa banda, Jose Rodríguez, instrutor policial PSDI, experto en defensa persoal feminina ensinaralles a situarse, afianzarse, a caer e erguerse, reaccionar no chan, moverse, desprazarse ou manter a distancia ante unha agresión.