Comeza unha semana intensa para o piragüismo español e galego. Nestes días disputarase o Preolímpico e a I Copa do Mundo en Szeged (Hungría), nas que competirán tres piragüistas galegas no primeiro e unha no segundo.
Carolina García, Antía Jácome e Antía Otero loitarán por un billete para Toquio 2021 no clasificatorio que terá lugar o 12 e 13 deste mes. Neste luns as piragüistas xa puideron acudir ao campo de regatas da localidad húngara para prepara o Preolímpico. Carolina García participará con Sara Ouzanse no K2 500, mentres que Antía Otero e Antía Jácome o farán no C2 500.
Ante os micrófonos da TVG, as dúas piragüistas desta última embarcación mostráronse optimistas antes da competición. Jácome admite que “hai que loitar pola praza, pero creo que podemos conseguilo”, mentres que Otero confesa que a clasificación sería un soño co que “demostrar que o traballo ten resultado”.
🚣♀️ Antía Otero e @antiajacc reflexionan antes de comezar o preolímpico de Szeged 🇭🇺 Precisan un 1º ou un 2º posto‼️
🎙️ A. Jácome: “Témolo bastante asequible, hai que loitar pero creo que podemos conseguilo”
🎙️ A. Otero: “Clasificarnos sería cumprir un soño” @federaciongap pic.twitter.com/Cj3Tsi7zD0
— En Xogo tvG2 (@EnXogo_tvG2) May 10, 2021
Pola súa parte, do 14 ao 16 de maio, Teresa Portela loitará na I Copa do Mundo, unha proba na que se testarán todas as embarcacións españolas xa clasificadas para os Xogos Olímpicos. A galega paleará co K1 200.
