O entroido converteuse nunha realidad para o Durán Maquinaria Ensino. As lucenses perderon no primeiro asalto ante o seu rival da Copa da Raíña, o Perfumerías Avenida por un contudente 80 a 50. A encargada de manter arriba ao equipo foi Bea Sánchez.
A gaditana acertou en tres ocasións desde a liña de 6,75 metros e facendo un total de 15 puntos co mesmo de valoración. Por parte das rivais, Karlie Samuelson e Tifanny Hayes endosaron 41 dos 80 puntos. O segundo tempo foi o verdadero muro. O Perfumerías Avenida encarrilou a vitoria grazas ao parcial de 24 a 5 debido a actitude, a defensa e tamén ao bo xogo.
CRÓNICA 🗒️
Triunfo CORAL de un Avenida brillante en el “ensayo precopero” 🆚 @EnsinoLugoCB 80-50
Así lo vimos➡️ https://t.co/FKEbmWXK05
📸 @AlexAvenida pic.twitter.com/9YE50qawT4
— Perfumerías Avenida (@CBAvenida) February 23, 2020
Tralo asubío inicial, o Ensino saíu con todas as súas cartas. Carlos Cantero poñía sobre a pintura salmantina á Kalis Loyd, Aleksandra Stanavcev, Atonye Nyingifa, Britany Miller e Bea Sánchez. Deron á sorpresa nos primeiros dez minutos co físico de Loyd e Nyingifa castigando as súas defensoras por fora, e desde o interior, Britany Miller, sen a posibilidade de ser frenada.
As galegas púxeronse por diante e non iban a abandonalo en todo o cuarto. As locais ían a remolque con varias pérdidas e coas batallas do rebote perdidas. Pero a saída de Samuelson, cos seus primeiros puntos, e de Hof tanto en defensa como en ataque frenaba o problema. Quedaron a unha renta de -5 puntos e as lucenses tiñan a posesión pero rapidamente o Avenida repúxose e pechaba o primeiro cuarto cun 19 a 19.
As tornas cambiaron por completo no segundo tempo
Desde a defensa, as locais fixeron moito dano ao Ensino cunha actividade atrás de todas e cada unha das xogadoras. As nosas rapazas vían como o seu ataque era unha dor de moas, agotando ata en tres ocasións os 24 segundos. Os roubos permitían as locais correr e finalizar con calidade.
Samuelson recuperou a súa versión de killer desde o triplo para marcharse cunha renta de vinte nun cuarto onde o Durán Maquinaria tan só foi capaz de anotar cinco puntos nese parcial: 43 a 24 ao descanso.
As da cidade amurallada querían pelexar polo partido tralo tempo de lecer. Pero, novamente o Avenida, encargouse de frear todo a vía de auga desde a defensa. Case tres minutos, as galegas sobrevivían desde o tiro libre e con Hayes imparable no un para un, facendo dun coador a defensa. O que facía que o partido estivera encarrilado para quedar no cadro salmantino cun 62 a 33 no final do terceiro.
O choque xa estaba decantado, pero as lucenses sacaron actitude para frear a sangría e maquillar o duelo aproveitando que para o Avenida xa rematara o partido. Estiveron moi ben sobre a pista e intentaron firmar un parcial moi semellante aos primeiros dez minutos. Finalmente conseguiron quedarse a tan só un punto cun 18 a 17 no cuarto. O resultado final foi de 80 a 50.
Pero como se soe dicir, borrón e conta nova. A vindeira semana, as lucenses terán outra cita importante. Enfróntanse ante o Gernika que ven de perder ante o Spar Citylift Girona da galega María Araújo. Ademais volven ao Pazo Provincial o sábado 29 de febreiro, ás 19.00 horas.
FICHA TÉCNICA
PERFUMERIAS AVENIDA: Teresa Cazorla, Silvia Domínguez, Tiffany Hayes, Laura Gil, Kristine Vitola —quinteto inicial—, Andrea VIlaro, Eva Hof e Karlie Samuelson.
DURÁN MAQUINARIA ENSINO: Kalis Loyd, Aleksandra Stanavcev, Atonye Nyingifa, Britany Miller, Bea Sánchez —quinteto inicial—, Laura Aliaga, Shereesha Richards, Fiona O’Dwyer, Ainhoa López e Britany Dinkins.
PARCIAIS: 19-19/ 24-5/ 19-9/ 18-17 (80-50)
ÁRBITROS: Enrique Miguel López Herrera, Sandra Sánchez González e Laura Piñeiro Amondaray.
INCIDENCIAS: Partido correspondente a xornada 21 da Liga Endesa Feminina no que enfrontou ao Perfumerías Avenida co Durán Maquinaria Ensino no Pavillón Municipal Wurzburg.
