Ao longo desta fin de semana Sabadell acomlle os Campionatos de España en categoría máster onde competirán seis atletas galegas. As probas abranguen as modalidades de Milla, 10.000 m probas combinadas e pentahlon de lanzamentos.
Como representación da Federación Galega de Atletismo viaxarán 16 atletas, das cales seis son mulleres de distintos equpos. Entre elas destaca a plusmarquista e asidua dos podios Esther Pedrosa, que compite polo Playas Castellón. A galega loitará por reeditar e engadir un novo título ao seu palmarés.
Cristina Estévez, do Atletismo Femenino Celta, acudirá á cita buscando mellorar a súa marca da última edición, cando resultou subcampioa da competición. Por último Ana María Abuín, do Samertolameu, completa a relación de medallistas máster que repiten neste campionato, tomando parte no concurso de Pentathlon de lanzamentos da que é medallista de bronce.
Tamén estará presente en Milla Victoria Losada, do Ourense Atletismo. Nos 10.000 metros competirá Nuria Pastor, atleta máster do Lugo Running. Finalmente, María Ángeles Rodríguez, do Atlética A Silva, o fará no Pentahlon lanzamentos e milla.
Esta é a convocatoria completa da FGA.
