De primeiras, parece que non vai a ser unha xornada doada para o Durán Maquinaria Ensino na Liga Endesa. Pero todos sabemos que o equipo lucense está nun momento imparable. Levan cinco vitorias consecutivas, sendo a última ante o Campus Promete no Pazo Provincial dos Deportes. “Os ánimos están ben despois destes cinco partidos gañados”, comentaba o adestrador lucense, Carlos Cantero.
Esta fin de semana poñen rumbo a Salamanca. Non para xogar a Copa da Raíña. Para o torneo haberá que esperar aínda dúas semanas. Pero aí algo que sí que coincide: o rival. O domingo (23 de febreiro), ás 12.30 horas no pavillón municipal Wurzburg, un Perfumerías Avenida no que preocupa o estado físico recibe a un espectacular Ensino.
O hándicap de Europa
Non é para menos. O xoves (19 de febreiro) xogaron a Eurocap cosechando un triunfo e o equipo tivo que afrontar unha viaxe de regreso moi longa. Un hándicap que pode aproveitar moi ben as nosas xogadoras. Elas xa saben como sorprender a un equipo que derrotaron desde a defensa no encontro disputado en Lugo durante a primeira volta cun electrónico de 68 a 62. A MVP dese partido foi Britany Miller con 22 puntos. “Ogallá repetir o mesmo pero nesta segunda volta non queren otra derrota con outro equipo llo puso difícil”, dicía o técnico lucense.
O Perfumerías Avenida intentará por todos os medios recompoñerse da derrota sufrida o pasado fin de semana ante o Spar Citylift Girona por 5 puntos de diferenza (60-55) e non queren malgastar a vantaxe coa que contan fronte a táboa. Son primeiras na clasificación xeral con 37 puntos. Moi preto as seguen as de Gernika a un punto. Estás tamén estan a facer un gran segunda volta posto que levan sete vitorias consecutivas.
Nuns postos máis abaixo están as de Lugo. Na sexta posición sumando once vitorias e nove derrotas con 31 puntos. “Agora mesmo, podemos falar tanto de posicións de competición europea como de play off. Está todo tan apertado que a dous partidos temos ó terceiro e que aos mesmos temos o noveno”, remarcaba Carlos Cantero.
Están a facer unha segunda volta da Liga Endesa espectacular
Os números falan por sí sós. Parece que o 2020 sentoulles moi ben as lucenses. “A verdade que canalizamos desde este ano, concretamente a principios de xaneiro, un momento moi positivo no que xa se pasaron as lesións da primeira volta, as difíciles datas do Nadal e un pouquiño que se atopou a normalidade nos adestramentos, toda veu acompañado de recoller os froitos de tanto traballo”, comentaba o seu adestrador.
O obxectivo de cara a Liga Endesa non está construído na súa totalidade pero si que están poñendo as pedras nos lugares adecuados. “Acabar o máis arriba posible. Tentar coller a RPK Araski que conseguimos a vantaxe de marcador cando xogamos contra elas e iso. Sería redondo todo. A Copa da Raíña, os postos de play off e os postos de Europa, sería un soño e unha tempada espléndida”
Non se lles escapa estar no quinteto ideal e no MVP da semana
No partido ante o Campus Promete, Atonye Nyingifa sumou 26 puntos de valoración grazas aos seus 13 puntos e 13 rebotes. Ao respeto, Carlos Cantero dixo: “Limítase a facer o que leva facendo toda a tempada. Si que é verdade que agora está a ter mellor acerto desde o triplo e iso dalle os poquitos puntos que necesitaba para chegar a ser MVP estas últimas semanas”.
DATOS DE INTERESE
DÍA E HORA: 23 de febreiro, ás 12.30 horas.
CAMPO: Pavillón Municipal Wurzburg – Salamanca.
ÁRBITROS: Enrique Miguel López Herrera, Sandra Sánchez González e Laura Piñeiro Amondaray.
INCIDENCIAS: Partido correspondente a xornada 21 da Liga Endesa Feminina no que enfrontará ao Perfumerías Avenida co Durán Maquinaria Ensino no Pavillón Municipal Wurzburg.
