As Guereras de balonmán, coa galega Ali Fernández e Paula Arcos e José Prades do Atlético Guardés, despedíronse do Mundial cunha derrota ante Dinamarca no partido polo bronce, rematando así na cuarta posición. Este é o terceiro mellor rexistro de sempre para o equipo.
O conxunto español realizou unha gran competición no torneo do que foi anfitrión por primeira vez na historia. As Guerreras realizaron un pleno de vitorias ata as semifinais, onde caeron derrotadas ante Noruega. No seguinte partido, as españolas xogábanse o bronce contra Dinamarca, no que perderon quedando fóra do podio.
No apartado defensivo, o combinado español foi a terceira que máis balóns robou no Mundial, só por detrás de Noruega e Francia. De feito, as súas porteiras, Silvia Navarro e Mercedes Castellanos, foron a segunda mellor parella de gardametas da competición.
Atendendo ao ataque, as Guerreras contaron nas súas filas coa segunda máxima goleadora, Alexandrina Barbosa, e a mellor extremo dereito do torneo, Carmen Martín. Entre as asistencias españolas destacou a nosa Ali Fernández, quen chegou á cifra de 30 asistencias.
🧠 @aali_fernandez, una máquina de creación de juego 💡
🎁 Han sido 3⃣0⃣ asistencias las que ha repartido la central gallega en este Mundial#Guerreras #SheLovesHandball pic.twitter.com/mvO1m2bI2k
— RFEBalonmano (@RFEBalonmano) December 20, 2021
José I. Prades: “Estou moi orgulloso destas xogadoras”
“Sería inxusto quedarnos coa mala sensación destas dúas últimas derrotas. Hai que mirar con perspectiva o traballo do equipo, que foi moi bo”, apuntou o seleccionador José Prades, á fin do torneo.
O preparador quixo salientar a madurez emocional das súas xogadoras: “Ofrecimos moi boa imaxe, medrando non só no xogo, senón en humanidade. Hai que recoñecer ese crecemento desde que comezamos a preparación ata o pitido final de hoxe. Estou moi orgulloso destas xogadoras”.
