O soño das Guerreras da Selección Española de balonmán no Campionato de Europa de Dinamarca 2020 viuse frustrado ao enfrentarse ao vixente campión, Francia. A galega Alicia Fernández e as súas compañeiras xa non poderán disputar as semifinais.
As hispanas caían na primeira xornada da Main Round por un axustado 25-26. O encontro estivo moi igualado entre dous combinados de alto nivel. A francesa Siraba Dembele estreaba o marcador, pero as españolas respondían da man da capitá Carmen Martín.
A presión das galas fixo ao seleccionador Carlos Viver reprantexar a súa defensa. Os cambios deron resultado por pouco tempo, e cunha defensa pechada, as francesas víanse obrigadas a xogar con dobre pivote.
A falta de efectividade e as perdas de balón fixo que, ao descanso, o marcador xa se inclinase polas francesas cun 10-16. O paso por vestiarios deulle forza ao conxunto de Krumbholz, que saíron arrolladoras e sen dar opcións a España.
A remontada semellaba cada vez máis difícil e, a trece minutos do final, España comezou a reaccionar e recortaba a distancia a só tres goles. A esperanza volvía ao banco das Guerreras, pero Francia en seguida volveu coller o mando do partido.
Finalmente, o obxectivo da EHF Euro 2020 non se cumpriu e o combinado no que participaba a galega ve fóra do seu alcance a loita polas medallas. Con todo, as españolas seguirán loitando o que queda de Campionato.
😪 ¡Las #Guerreras caen por la mínima ante las vigentes Campeonas de Europa!
➡️ ¡Esto aún no ha terminado, seguimos luchando en el @EHFEURO 2020!
📝👇 Crónica de la Jornada 1 de Main Round
— RFEBalonmano (@RFEBalonmano) December 10, 2020
