As Guerreras de balonmán están xa nas semifinais do Mundial, accedendo por segunda vez consecutiva e cuarta na súa historia a esta fase da competición internacional. O equipo dirixido polo técnico José Prades, adestrador do Atlético Guardés e coa galega Alicia Fernández e a xogadora do club galego Paula Arcos están a triunfar por todo o alto no campionato no que xogan como locais.
España está a acoller o Campionato do Mundo, e a súa Selección afronta nesta fin de semana unha oportunidade única de proclamarse por primeira vez campioas a nivel mundial.
O conxunto hispano comezou a Main Round do Mundial vencendo a Xapón por un 28-26 nun duelo moi igualado. No seguinte encontro, a segunda xornada, o rival foi Croacia, que tamén caeu derrotado ante as Guerreras, desta vez cun marcador 23-27. A terceira e última xornada deste Main Round deixou outra vitoria vermella, coas españolas sendo superiores a Brasil e triunfando cun 27-24.
Paula Arcos, dobre MVP
Con só 19 anos, a xogadora máis xove das Guerreras e unha das estrelas do Atlético Guardés non deia de sorprender. Despois de ter competido nos Xogos Olímpicos coa Selección, Paula Arcos está a estrearse no seu primeiro Mundial con nota.
A xogadora valenciana foi escollida como a mellor do partido ante China, repetindo fazaña ante Alemaña. Neste último duelo, a súa entrada na pista foi clave para a remontada española, anotando dous goles en cada metade e liderar xunto coa súa compañeira Carmen Campos ás Guerreras.
✨ ¡ @PaulaArcos10! ❤️
19 años. Cuartos de final de un Mundial en tu país. MVP. Nada más que añadir #Guerreras #SheLovesHandballpic.twitter.com/MYLIENnVhj
— RFEBalonmano (@RFEBalonmano) December 14, 2021
A petrerí é un dos referentes ofensivos do conxunto, destacando en cada partido pola súa efectividade, calidade e boa lectura do xogo. Arcos suma xa 12 goles e 11 asistencias, ademais de seis roubos de balón facilitados pola súa sorprendente velocidade e anticipación en defensa.
Próximo rival: Noruega
No vindeiro duelo, as Guerreras enfrontaranse a Noruega nun partido este venres ás 20:30 horas. O partido desenvolverase no Palau d’Esports de Granollers.
¡ , #Guerreras!
@NORhandball
Palau d’Esports @granollers
Viernes 17
⌚️ 20:30 h.#SheLovesHandball pic.twitter.com/egU9Tmzy2J— RFEBalonmano (@RFEBalonmano) December 15, 2021
