A Selección Española non foi capaz de facer fronte á anfitrioa do torneo e dixo adeus ao soño mundialista que concluía cun amargo 25-29. As Guerreras, que contaban coas galegas Alicia Fernández e Elba Álvarez nas súas filas, necesitaban a vitoria para asegurar o seu pase aos cuartos de final, pero tiñan que enfrontarse a Alemaña, un combinado de moi alto nivel, que viña de ganar con solvencia todos os encontros anteriores.
Ver esta publicación en Instagram
Acadar unha boa posición no Mundial era un reto pas o combinado estatal, despois do mal soño vivido nos Xogos Olímpicos de París e posteriormente no Campionato de Europa, onde o foi eliminado por Polonia na primeira fase do torneo
A derrota de Serbia ante Montenegro (33-27) ofrecíalle á Selección Española a oportunidade de avanzar á seguinte rolda, pero antes, tiña que enfrontarse a un reto de gran envergadura: vencer a Alemaña.
O combinado alemán, anfritrión do torneo, xa tiña asegurado o seu pase aos cuartos, pero non estaba disposto a baixar o pé do acelerador en ningún momento, e non lle concedeu a oportunidade de avanzar no campionato ás Guerreras, que loitaron ata o final facendo honra ao seu alcume.
Ver esta publicación en Instagram
Aínda que tentaron a remontada, as Guerreras españolas non lograron revertir a situación e tiveron que renunciar á seguinte fase dunha competición na que conseguiron sumar tres vitorias e o mesmo número de derrotas.
Ver esta publicación en Instagram
Tolerancia cero contra o racismo
As fazañas deportivas das Guerreras vironse empañadas por unhas circunstancias avergoñantes que continúan sucedendo en pleno 2025.
A Real Federación Española de Balonmán viuse obrigada a presentar unha denuncia ante a Policía Nacional polos ataques racistas e xenófobos recibidos por algunhas xogadoras da Selección Española durante a súa participación no campionato. Unha situación intolerable, que non é un caso illado no deporte, e que debe abordarse con firmeza e acarrear consecuencias sobre os responsables.
Segundo informa a RFEBM a entidade presentou “o pasado mércores 3 de decembro unha denuncia diante da Policía Nacional polos ataques racistas e xenófobos que recibiron algunhas xugadoras das Guerreras durante a súa participación no Campionato del Mundo 2025”.
O presidente de la Real Federación Española de Balonmano, Francisco V. Blázquez, amosouse firme condenando “con absoluta firmeza e indignación os comentarios vertidos contra algunhas xogadoras das Guerreras, profesionais que o deron todo, con maior ou menor acerto, pero sempre desde a responsabilidade de defender ao noso país en todo momento”.
“Non podemos entender como algúns suxeitos, obviamente alleos ao balonmán e ao deporte, poden emitir declaracións tan ferintes cara a unhas xogadoras que visten a camiseta de España”, proseguía o presidente.
“Non imos admitir estes discursos racistas e xenófobos que sementan a discriminación e a desigualdade no noso deporte e na nosa sociedade, cando nós caracterizámonos por ser, seguramente, a actividade máis integradora que existe, xa que no deporte en xeral, e no balonmán en particular, non existen distincións por sexo, raza, cor de pel, cultura ou crenzas relixiosas”.
Ver esta publicación en Instagram
O presidente Blázquez mostrábase contundente, afirmando que “resulta absolutamente intolerable que na actualidade aínda haxa persoas que normalicen condutas que degradan a dignidade humana, violando os principios máis básicos da convivencia. Non imos parar, e seguiremos ata o final, ata as últimas instancias, para levar aos autores #ante a lei, porque, entre todos, debemos frear estas condutas delituosas, veñan de onde veñan. Ningún ser humano debe ter que xustificar a súa existencia nin o seu dereito para vivir con dignidade, e, simplemente, debe recibir o respecto da sociedade”.
FICHA TÉCNICA:
25) ESPAÑA: Prades; Etxeberria (3), Bengoetxea (1), Alicia Fernández (1p), So Delgado (10), Jennifer Gutiérrez e Gassama –equipo inicial– Morales (ps), Vegué, Somaza (1), Arcos, Lysa Tchaptchet (1), Elba Álvarez (4, 1p), Lyndie Tchaptchet (2), Arroyo e Oppedal (2)
29) ALEMANIA: Filter; Behrend, Leuchter (2), Von Pereira, Vogel (6), Smits e Doll (5, 2p) –equipo inicial– Wachter (ps), Grijseels (1), Engel (4, 1p), Antl (3), Steffen, Kuhne (3), Lott (4), Maidhof (-) e Hauf (1)
PARCIAIS CADA CINCO MINUTOS: 1-2, 2-3, 3-6, 5-9, 6-12 e 10-13; 10-17, 12-19, 16-21, 18-24, 21-27 e 25-29
EQUIPO ARBITRAL: Hansen e Madsen (DIN). Excluíron por dous minutos a Lysa Tchaptchet e Lyndie Tchaptchet por España; e a Vogel e Doll (2) por Alemaña.
