A expedición española de balonmán, as Guerreras, coa galega Alicia Fernández, a xogadora do Atlético Guardés, Paula Arcos, e o técnico José I. Prades abandoa a aventura olímpica. Tras perder ante o Comité Olímpico Ruso e a vitoria de Hungría sobre Suecia, España quedou eliminada.
“Falando claro, estamos todas bastante fodidas, é un pau moi duro, non importa aquí o veterá ou xove que sexas, viñamos con toda a ilusión de facer algo grande e para iso tiñamos que meternos en cuartos nun grupo durísimo, pero as circunstancias fixeron que esteamos fóra hoxe”, declaraba a lateral dereita unha vez se coñeceu a eliminación.
O combinado hispano caeu derrotado por un 31-34. Con este resultado, as españolas aínda podían pasar de fase, pero o triunfo de Hungría deixa á Selección eliminada.
❤️ #Guerreras,
☺️ ¡, , !#Tokyo2020 #ElCorazóndeEspaña pic.twitter.com/69j4S90VCP
— RFEBalonmano (@RFEBalonmano) August 2, 2021
Duelo intenso para despedir os Xogos
No que sería o último partido de España nesta edicións dos Xogos Olímpicos, tanto as Guerreras como as rusas deron un espectáculo na pista do estadio Yoyogi.
Nos primeiros compases, a igualdade no encontro era máxima. Porén, o conxunto ruso comezou a tomar a iniciativa, aproveitando os erros españoles, chegando a unha vantaxe de seis puntos no minuto 20.
Entón, apareceu a galega Alicia Fernández, con dúas accións de penetración desde o lateral esquerdo, rompendo a dinámica española para dar paso á reacción guerreira.
Paula Arcos tamén se perfilou como peza fundamental para Viver, provocando erros rusos, deixando que España acurtara distancias. Ao descanso, o marcador estaba no 17-18.
Na segunda metade, as Guerreras sairon enchufadas, chegando a colocarse por diante das rusas. Porén, o Comité Olímpico Ruso volveu a coller o mando do partido, aproveitando cada perda de balón das españolas. En cuestión de minutos, a vitoria volvía ao lado ruso.
A Selección seguiu empurrando para forzar o empate, e malia acurtar a diferenza no electrónico, as rusas mantíñanse por diante. Nos últimos minutos, as españolas estiveron preto de lograr a gran xesta, pero finalmente as rusas afianzaron o seu triunfo, cun 31-34 final.
Neste encontro, Alicia Fernández anotou tres goles e Paula Arcos outros dous.
As impresións de Paula Arcos
Arcos considera que “creo que aínda en quente non se pode valorar o esforzo que fixemos, tras o tropezo contra Suecia viuse a un equipo unido, con garra e con gana tanto dentro como fóra da pista”.
En declaraciones á Real Federación Española de Balonmano, a xogadora do Atlético Guardés admitiu que “vivir desde dentro uns Xogos Olímpicos con 19 anos é unha pasada, vivín a experiencia ao cen por cen, foi moi intenso, pero me quedo como calquera deportista con esa pena e esa espiña de ter podido facer máis. Oxalá houberamos podido seguir avanzando no torneo”.
FICHA TÉCNICA
SELECCIÓN ESPAÑOLA (17 + 14): Silvia Navarro y Mercedes Castellanos -portería-; Marta López (7), Carmen Martín (3), Eli Cesáreo, Jennifer Gutiérrez (1), Nerea Pena (6), Lara González (2), Sole López, Alicia Fernández (3), Almudena Rodríguez (4) , Ainhoa Hernández, Paula Arcos (2) e Alexandrina Barbosa (3).
COMITÉ OLÍMPICO RUSO (18 + 16): Sedoykina y Kalinina (1) -portería-; Kuznetsova (4), Gorshkova, Dmitrieva (5), Sen (2), Vyakhireva (7), Vedekhina (2), Bobrovnikova (1), Makeeva (4), Fomina (1), Ilina (4), Managarova (3) e Skorobogatchenko.
MARCADOR CADA 5′: 3:5, 6:7, 8:10, 10:16, 12:17, 17:18 -descanso-; 19:21, 20:25, 22:27, 26:30, 27:33 e 31:34.
