A Selección Española de balonmán feminino terá como rivais nos Xogos Olímpicos de Toquio 2021 a Rusia, Hungría, Suecia, Francia e Brasil. Eses catro combinados estatais serán as contrincantes na fase de grupos dos Xogos Olímpicos de Toquio 2021 das Guerreras que adestra o técnico Carlos Viver. Entre delas, previsiblemente estará a galega Alicia Fernández. E na última convocatoria tamén se lle sumaron do Atlético Guardés Paula Arcos e o técnico José Ignacio Prades, como segundo de Viver.
Segundo informa a Real Federación Española de Balonmán, a IHF (International Handball Federation) levou a cabo en Suíza o sorteo da fase de grupos dos Xogos Olímpicos de Toquio 2021 tanto de balonmán masculino como de balonmán feminino, con España presente en ambos. Hispanos e Guerreras xa coñecen a súa sorte olímpica.
As Guerreiras de Carlos Viver, que afrontan a súa terceira cita olímpica consecutiva, foron situadas no Grupo B xunto ao Comité Olímpico de Rusia, Hungría, Suecia, Francia e Brasil; e debutan o 25 de xullo ante Suecia.
- Grupo A | Países Baixos, Montenegro, Noruega, Xapón, República de Corea, Angola.
- Grupo B | España, Comité Olímpico de Rusia, Hungría, Suecia, Francia, Brasil.
Following the draw for the #Tokyo2020 Olympic handball competition this morning, here are the playing groups for the upcoming Games 🙌 pic.twitter.com/lQJYVXUeB1
— International Handball Federation (@ihf_info) April 1, 2021
Completado o sorteo, o adestrador Carlos Viver apuntou un detalle: “se Xapón elixiu tan rápido, é sintomático do desequilibrio que aos poucos se produciu durante o sorteo”.
Afirma, con todo, que “nós estamos contentos se temos rivais contra os que xogásemos hai pouco, porque aí temos un baremo bastante claro no que medirnos, e a verdade é que contra todos xogamos fai relativamente pouco, iso gústanos porque nos coñecemos e ambos temos datos do outro”.
Carlos Viver, seleccionador de España opina que: “A partir de agora é básico que teñamos fortuna, que non haxa ningunha lesión no tramo final da tempada”
O técnico español, Carlos Viver, asegura que “a partir de agora é básico que teñamos fortuna, que non haxa ningunha lesión no tramo final da tempada”. E neste sentido, o preparador español non esquece a Alexandrina Barbosa: “está a completar un traballo exhaustivo, e a mellor noticia é que César Flores operouna, polo que sabemos que está perfectamente operada; ela está coa máxima vontade e ilusión, puidémola ver en Llíria, e a clave nestes momentos é que non se salte pasos porque vai chegar á preparación olímpica… falta de ritmo competitivo, pero chegará”.
O Día de Galicia, empezará a festa olímpica para as Guerreras
A competición de balonmán feminina comezará nos Xogos Olímpicos de Toquio 2021 o día 25 de xullo (o Día de Galicia), e o partido que abrirá a festa será o das anfitrioas, Xapón, enfrontándose coas actuais campioas do mundo, Holanda.
Ulrik Kirkely, entrenador da Selección feminina de Xapón declaraba segudo recorlle a IHF: “Todo será difícil, tamén será difícil no grupo A, sabémolo, pero estamos ansiosos por xogar estes partidos olímpicos. Para os nosos afeccionados será incrible ver ás mellores xogadoras. Cun grupo que inclúe a Noruega que gañou moitas medallas. E tamén será interesante xogar contra Corea en Xapón”.
Ulrik Kirkely, adestrador de Xapón: “Todo será difícil, tamén será difícil no grupo A, sabémolo, pero estamos ansiosos por xogar estes partidos olímpicos”
O adestrador das niponas apuntaba: “Temos dous moi bos campionatos do mundo ás nosas costas, en 2017 e 2019. O último en Kumamoto, en 2019, está moi preto dos nosos corazóns porque tamén era nosa terra e tiñamos un bo presentimento respecto diso e tivemos bos resultados. así que estamos a desexar volver a Toquio”.
Coincidía en razonamento con Carlos Viver o seleccionador do combinado feminino de Francia, Olivier Krumbholz, que tamén apuntaba: “Con Xapón elixindo o Grupo A, demostra que o noso grupo é un pouco máis duro. Somos cinco equipos europeos aquí, polo que un deles estará fóra da contenda na fase de grupos. É bo que non nos enfrontamos a Corea, un equipo difícil contra o que xogar no inicio da competición. Con dous partidos amigables contra Noruega en xullo, estamos contentos de non atoparnos con eles nos Xogos Olímpicos”.
E precisamente o adestrador do equipo de Noruega, Thorir Hergeirsson, sinalaba tras coñecer os cruces, e segundo recolle a IHF: “Teño a sensación de que será unha competición forte. Hai moitos bos equipos en ambos. Enfrontámonos a Montenegro fai só quince días, é un equipo moi duro, perdemos contra elas”.
Thorir Hergeirsson, seleccionador Noruega: “Teño a sensación de que será unha competición forte. Hai moitos bos equipos en ambos. Enfrontámonos a Montenegro fai só quince días, é un equipo moi duro, perdemos contra elas”
Destacaba tamén o noruegués que equipos como Xapón e Angola “melloraron moito nos últimos anos, e Corea do Sur sempre está a apuntar aos Xogos Olímpicos. Se queremos cumprir as expectativas, debemos gañar a todas. Lembramos ben Londres en 2012. Apenas logramos avanzar aos cuartos de final, terminamos cuartas no noso grupo. Pero gañamos a competición, despois de que melloramos. Así que pode pasar calquera cousa”.
Tomas Axner, entrenador da Selección de Suecia, manifestaba: “Definitivamente é un emparellamento difícil, pero tamén podería ser peor. Pero estamos nun grupo con cinco equipos europeos máis os campións suramericanos, polo que serán cinco partidos moi duros. Francia e a selección do Comité Olímpico Ruso son dúas seleccións sempre difíciles de bater, pero tamén debemos gañarlle a Hungría e España se queremos evitar enfrontarnos a un líder de grupo nuns posibles cuartos de final”.
Mentres, Emmanuel Mayonnade, adestrador de Holanda declaraba, segundo recolle a IHF na súa web: “É difícil dicir algo sobre o sorteo de antemán porque non se sabe como será o torneo. Os cuartos de final serán cruciais dados os fortes opoñentes do grupo B. Teremos para terminar entre o primeiros catro equipos para chegar aos cuartos de final. Xogamos contra Noruega nos dous últimos torneos, o Campionato Mundial Feminino da IHF e o EURO EHF. Tamén nos enfrontamos á República de Corea e Angola no 2019. O torneo tivo un bo final para nós. Aínda non xogamos contra Xapón ou Montenegro”.
Gabor Elek, co-adestrador da Selección de Hungría destacaba preciamente ás Guerreras: “É difícil dicir se España ou Holanda son os mellores equipos da fase de grupos. Temos os opoñentes máis duros posibles. Será un gran desafío para chegar aos cuartos de final, pero, por suposto, ese é o noso obxectivo! O noso grupo é moi difícil”, admitía o técnico.
Carlos Viver segue a confiar en Alicia Fernández nas Guerreras
Así será a preparación das Guerreras para os Xogos Olímpicos de Toquio 2021
