A Copa Xunta de Galicia 2020 xa ten o seu primeiro equipo finalista. As Guerreiras Laranxas veñen de selar esta tarde o seu acceso á final do trofeo autonómico ao se impór por 2-1 ao Viaxes Amarelle.
O Pescados Rubén Burela FS cerficou o seu pase ao partido que decidirá a XIV Copa Galicia. Foi grazas a acadar unha vitoria sobre o Viaxes Amarelle FSF (2-1). Queda por saber se, na gran cita, vanse ver as caras co Poio Pescamar ou co Ourense Envialia que teñen pendente o seu partido de ida logo que hoxe tivese que adiarse o cruce para respectar o protocolo COVID-19.
As Guerreiras Laranxas, que partían coa clara vantaxe do 1-10 da ida, dispuxeron de todo o peso do partido, con posesión, dominio e ocasións, pero faltoulles concentración e finalización ante un rival que se aplicou en defensa os corenta minutos.
O Viaxes Amarelle abriu o electrónico
As futbolistas dirixidas por Jorge Basanta eran conscientes de que tiñan diante ao favorito e vixente campión da Copa Galicia Feminina de Fútbol sala e se aplicaron ao máximo en defeisa. De feito, a escuadra visitante aproveitou unha das súas ocasións de perigo da primeira parte para tomar vantaxe.
Yaiza adiantou as herculinas superado a mediania da primeira parte en dous segundos, nun pase longo ao que non repregou a defensa laranxa e sentenciado cun balón raso. Antes as da Coruña xa dispuxeran dunha ocasión no minuto 8, cunha tentativa de pase de Patri Corral que se esvaeu nos últimos metros. Logo de adiantarse no marcador o Viaxes Amarelle era quen de manter a ventaba durante case tres cuartos de partido.
As de Julio Delgado avisaran e moito sobre a porteira carballesa Leti Rojo, con ata tres paus. Todo o peso da cita seguiu sendo das de Julio Delgado pero non conseguían a recompensa. Os partido avanzaba cun conxunto local envorcado en ataque.
Os minutos foron pasando factura ás visitantes e as locais terminaron por dar a volta ao marcador con goles de Cristina Pérez e Dany. No 27 Cristina materializou a igualada. Antes Bea Mateos, a propia Cristina e Cami xa avisaran con moito perigo. No 30 Dany puxo por diante as da Mariña, sen cesar non seu asedio sobre a rede coruñesa pero sen tino no remate.
As herculinas non baixaron os brazos e afrontaron o encontro cunha gran intensidade defensiva e defendendo a súa posición no partido. As arremetidas das xogadoras locais eran constantes e metíanse de cheo no partido con varios balóns ao poste, pero as herculinas seguían serias en defensa e trataban de saír á contra para sorprender ao Burela Pescados Rubén FSF.
O últimos dez minutos de xogo houbo oportunidades para ambos os equipos, pero a boa actuación de Leti Rojo na portaría herculina, así como as imprecisións na finalización do Viaxes Amarelle FSF, fixeron que o encontro concluíse cunha derrota pola mínima de 2-1 das coruñesas e coas da Mariña na final.
Pese á derrota no equipo coruñés estaban contentas co bo traballo desarrollado sobre a cancha diante dun todopoderoso Pescados Rubén Burela, que aspira a todo unha tempada más. Como último test para as herculinas, unha derrota por 2-1 ante as futbolistas que aspiran a revalidar su título de campioas non é mal resultado.
FICHA TÉCNICA:
PESCADOS RUBÉN BURELA FS: Jozi, Dany, Cilene, Lara Balseiro, M. Cortés – quinteto inicial -, tamén xogaron Cami, Bea Mateos, Cristina, Elena Aragón, Jenny e Sandra Buzón.
VIAXES AMARELLE FSF: Leti Rojo, Candela, Cris Lourés, Yaiza, Martita – quinteto inicial -, tamén xogaron Patri Corral, María Gómez, Laura Doce e Sofía.
GOLES: 0-1, minuto 11, Yaiza; 1-1, minuto 27, Cristina; 2-1, minuto 30, Dany
ÁRBITROS: Salinas García // Vieito Regueira. Polo Burela veu amarela Lara Balseiro (minuto 32)
INCIDENCIAS: Partido correspondente á volta de semifinais de XIV Copa Galicia disputado no pavillón Vista Alegre de Burela.
O Viaxes Amarelle, pendente do illamento do Ourense Envialia
Este foi o último partido da pretempada para o Viaxes Amarelle FSF. As da Coruña volverán aos adestramentos o luns, para preparar o inicio da competición de Primeira División Nacional Feminina de Fútbol sala. O seu primeiro partido de retorno á elite estatal debería de disputarse a vindeira fin de semana, pero está no aire.
O seu rival é o Ourense Envialia e, como xa informou As Nosas, o plantel do club ourensá está illado á espera de resultados de test PCR debido ao positivo dun contacto directo dunha das súas xogadoras.
O protocolo de prevención da transmisión da COVID-19 así o estipula. É posible que o partido teña que ser aprazado por este motivo.
