O debut ligueiro das Guerreiras Laranxas na casa está previsto para este sábado día 7 de novembro ás 18.30 horas. Será coa chegada da xornada 4ª. O rival é o UA Alicante. Pero as da Mariña non poderán contar co alento das súas seareiras. O encontro deber disputarse a porta pechada.
Ao recinto deportivo de Vista Alegre tan só terán acceso as expedicións de ambas as dúas escuadras, así como o persoal do club e medios de comunicación debidamente acreditados con anterioridade para cubrir informativamente o partido.
As persoas amantes do fútbol sala poderán seguir cita, debut das futbolistas do Pescados Rubén Burela na súa cancha, a través da transmisión en directo que se levará a cabo en internet por medio dun sistema de streaming.
Segundo informa o club, as persoas abonadas “terán ata o venres, día 30, para solicitar a devolución da cota correspondente a este encontro (4 euros Abono Feminino// 3 euros Abono Mixto). Deberán formalizalo por escrito na oficina laranxa (formulario dispoñible).
Para este fin, lembra o Burela que o horario de atención que é de luns e venres 10.00-14.00 horas e de martes a xoves 10.00-14.00 na mañá, e de 16.30-19.00 na tarde.
